Samayam Tamil | Updated:
தளபதி 65 படத்தை இயக்கப் போவது இவர் தான் என்று கூறி மேலும் ஒரு இயக்குநரின் பெயர் அடிபடத் துவங்கியுள்ளது.
மாஸ்டர்
பிகில் படத்தை அடுத்து விஜய் லோகேஷ் கனகராஜ் இயக்கத்தில் மாஸ்டர் படத்தில் பிசியாக உள்ளார். அண்மையில் வெளியான மூன்றாவது லுக் போஸ்டரில் விஜய்யும், விஜய் சேதுபதியும் ரத்தக்காயத்துடன் இருப்பதை பார்த்து ரசிகர்கள் குஷியாகிவிட்டனர். இருக்கு, செம என்டர்டெயின்மென்ட் இருக்கு என்று படத்தை பார்க்க அவர்கள் ஆவலாக உள்ளனர். இந்நிலையில் மீண்டும் தளபதி 65 பற்றி பேச்சு கிளம்பியுள்ளது.
சுதா கொங்கரா
சூர்யாவை வைத்து சூரரைப் போற்று படத்தை இயக்கி முடித்துள்ள சுதா கொங்கரா விஜய்யிடம் கதை சொல்ல அவருக்கு அது மிகவும் பிடித்துவிட்டதாம். இதையடுத்து விஜய்யின் தளபதி 65 படத்தை இயக்கும் வாய்ப்பு சுதாவுக்கே கிடைக்கும் என்று கூறப்படுகிறது. தளபதி 65 படத்தை சன் பிக்சர்ஸ் நிறுவனம் தயாரிக்க உள்ளது. இந்த படத்திற்காக விஜய்க்கு பெரிய தொகை சம்பளமாக பேசப்பட்டுள்ளது என்று முன்பே தகவல் வெளியானது.
தளபதி 65
தொடர்ந்து வித்தியாசமான படங்களை கொடுத்து சிக்சர் அடித்து வரும் சுதா கொங்கரா இயக்கத்தில் நடிக்க கோலிவுட் ஹீரோக்கள் காத்திருக்கிறார்கள். இந்நிலையில் தான் விஜய்யும் சுதா இயக்கத்தில் நடிக்க ஒப்புக் கொண்டுள்ளாராம். வழக்கமான மசாலா படம் இல்லாமல் சுதா இயக்கத்தில் வித்தியாசமாக நடிக்க விரும்புகிறாராம் விஜய். இருப்பினும் இந்த கூட்டணி குறித்து அதிகாரப்பூர்வ அறிவிப்பு வெளியாகும் வரை காத்திருக்க வேண்டியது தான்.
விஜய்
விஜய் சுதாவிடம் மட்டும் கதை கேட்வில்லை. மேலும் பல இயக்குநர்களிடமும் கதை கேட்டுள்ளார், கேட்டுக் கொண்டிருக்கிறார். ஆனால் சுதா சொன்ன ஒன் லைன் தான் அவருக்கு மிகவும் பிடித்துள்ளதாம். அப்படி என்றால் பாண்டிராஜ், மகிழ் திருமேனி, சமுத்திரக்கனி, அட்லி, வெற்றிமாறன், பேரரசு, மோகன்ராஜா உள்ளிட்டோர் காத்திருக்க வேண்டியது தான் போன்று.
Source: samayam
