Press "Enter" to skip to content

Harish Kalyan புள்ளை தனுஷ் மாதிரி நடிக்கணுமாம்: தாராள பிரபு விளம்பரம் வேற லெவல்

Samayam Tamil | Updated:

ஹரிஷ் கல்யாணின் தாராள பிரபு டீஸரை விக்கி டோனாருடன் ஒப்பிடாமல் பார்த்து ரசிக்கவும்.

தாராள பிரபு

image

தேசிய விருது பெற்ற ஆயுஷ்மான் குரானா, யாமி கவுதம் நடிப்பில் இந்தியில் வெளியாகி ஹிட்டான விக்கி டோனார் படத்தை தமிழில் தாராள பிரபு என்கிற பெயரில் ரீமேக் செய்துள்ளார்கள். ஆயுஷ்மான் கதாபாத்திரத்தில் ஹரிஷ் கல்யாண் நடித்துள்ளார். அவருக்கு ஜோடியாக தான்யா ஹோப் நடித்திருக்கிறார். கருத்தரிப்பு மையம் நடத்தும் டாக்டராக விவேக் வருகிறார். இந்நிலையில் படத்தின் டீஸர் வெளியாகியுள்ளது.

ஹரிஷ் கல்யாண்

image

தாராள பிரபுவாக ஹரிஷ் கல்யாண் தன் வேலையை நன்றாக செய்துள்ளார். விவேக் உங்களுக்கு எப்படிப்பட்ட குழந்தை வேண்டும் என்று கேட்க ஒரு தம்பதி தனுஷ் மாதிரி நடிக்கணும் என்று தெரிவித்துள்ளது தனுஷ் ரசிகர்களுக்கு மகிழ்ச்சியை அளித்துள்ளது. தாராள பிரபு டீஸர் நன்றாக உள்ளது. ஆனால் அதை விக்கி டோனாருடன் ஒப்பிடாமல் இருக்க வேண்டும்.

இமேஜ்

image

பிக் பாஸ் நிகழ்ச்சி மூலம் பிரபலமான ஹரிஷ் கல்யாண் காமத்தை காதலாக காட்டும் படங்களில் நடித்து வருகிறார் என்ற புகார் உள்ளது. இந்நிலையில் தான் அவர் விந்தணு தானம் செய்யும் இளைஞராக தாராள பிரபு படத்தில் நடித்துள்ளார். இந்த படத்தை பார்க்கும் யாரும் காமத்தை காதலாக காட்டியுள்ளதாக கூற முடியாது.

எதிர்பார்ப்பு

image

விக்கி டோனார் படத்தை அப்படியே ரீமேக் செய்யாமல் தமிழ் ரசிகர்களுக்காக சில மாற்றங்களை செய்துள்ளார்கள். இந்த படத்திற்கு 8 இசையமைப்பாளர்கள் இசையமைக்கிறார்கள் என்பது குறிப்பிடத்தக்கது. ஆயுஷ்மான் குரானாவுக்கு பெயர் வாங்கிக் கொடுத்தது போன்று ஹரிஷ் கல்யாணுக்கும் தாராள பிரபு தாரளமாக ஒர்க்அவுட் ஆகும் என்று எதிர்பார்க்கப்படுகிறது.

Source: samayam

More from திரையுலகம்More posts in திரையுலகம் »