Samayam Tamil | Updated:
உடலாலும், மனதாலும் தன்னை சனம் ஷெட்டி தான் டார்ச்சர் செய்தார் என்று தர்ஷன் தெரிவித்துள்ளார்.
சனம் ஷெட்டி
தர்ஷன் செய்தியாளர்களிடம் கூறியதாவது, படத்தில் நடிக்கும் ஆசையில் 2016ம் ஆண்டு சென்னைக்கு வந்தேன். 2017ம் ஆண்டு மார்ச் மாதம் பச்சையப்பா சில்க் விளம்பரத்தில் நடித்தபோது தான் சனம் ஷெட்டியை பார்த்தேன். என் விளம்பர படங்கள் வெளியானால் ஃபேஸ்புக்கில் எனக்கு வாழ்த்து தெரிவித்தார் சனம். அதன் பிறகு நான் ஒரு படத்தில் ஹீரோயினாக நடிக்கிறேன், ஹீரோ இன்னும் முடிவாகவில்லை, நீங்க ஆடிஷனுக்கு வருகிறீர்களா என்று அவர் ஃபேஸ்புக்கில் கேட்டார். 2 ஆடிஷனில் கலந்து கொண்டு தேர்வான பிறகே சனம் என்னிடம் வந்து படத்தின் தயாரிப்பாளர் நான் தான் என்றார்.
காதல்
படத்தின் ஷூட்டிங் மேகாலயாவில் 35 நாட்கள் நடந்தது. அந்த நேரம் அவருக்கு ஒன் சைடாக லவ் இருந்தது அது பிரேக்கப் ஆகும் நிலைமையில் இருந்தது. 2018ல் ஜனவரியில் தான் நாங்கள் காதலிக்கத் துவங்கினோம். எனக்கு இப்ப தான் பட வாய்ப்பு வந்து கொண்டிருக்கிறது அதனால் நம் காதல் வெளியே தெரிய வேண்டாம் என்றார். என் அண்ணன் தான் மாதாமாதம் எனக்கு பணம் அனுப்பினார். சனம் எனக்கு பைனாஸ் விஷயத்தில் அல்ல மாறாக சினிமா விஷயத்தில் உதவி செய்தார். பிக் பாஸுக்கு சனம் அவரின் பி.ஆர்.ஓ. வை வைத்து எனக்கு விண்ணப்பம் செய்தார்.
பிக் பாஸ்
போத்தீஸ் விளம்பரத்தை பார்த்துவிட்டு விஜய் டிவி எனக்கு வாய்ப்பளித்தது. சனமுக்கும், எனக்கும் நிச்சயம் நடந்தபோது இது நடந்தது. இந்த நேரம் நிச்சயம் நடந்ததை சொன்னால் பிக் பாஸுக்கு எடுக்க மாட்டார்கள், நாங்கள் நண்பர்கள் தான், இது விளம்பர நிகழ்ச்சிக்காக நடந்த நிச்சயம் என்று சொல்லுமாறு கூறியதே சனம் தான். இதற்கு முன்னாள் பிக் பாஸ் போட்டியாளரான ரம்யா, சத்யா தான் சாட்சி. பிக் பாஸுக்கு போகும் முன்பு எங்களுக்கு இடையே அவ்வப்போது சண்டை வந்தது. நான் பிக் பாஸுக்கு தேர்வான பிறகு அவர் அரசியலில் பெரிய ஆளாக இருக்கும் தன் அங்கிளை வைத்து அந்த நிகழ்ச்சியில் கலந்து கொள்ள முயன்றார். வைல்டு கார்டு மூலம் நான் வர வாய்ப்பு உள்ளது என்றார்.
பிகினி பேட்டி
அவங்க பிகினி போட்டு கொடுத்த இன்டர்வியூ எனக்கு பிடிக்கவில்லை. ஏன் இப்படி செய்த என்று கேட்டேன். நான் உனக்கு ப்ரொமோஷன் பண்ண தான் செய்தேன் என்றார். நான் உன்னிடம் ப்ரொமோஷனே கேட்கவில்லையே என்றேன். நான் பிக் பாஸ் வீட்டில் இருந்தபோது என் ஃபேஸ்புக் கணக்கு சனமிடம் இருந்தது. பிக் பாஸ் வீட்டில் இருந்த பெண்களுடன் பேசக் கூடாது என்றார். நீ பிரபலமாகிவிட்டாய், அதனால் நமக்கு நிச்சயமாகிவிட்டது என்று மீடியாவிடம் சொல்லு என்றார். நான் சொல்ல மாட்டேன் என்றேன். எனக்கு 3 படம் சைன் ஆனது. அந்த தயாரிப்பாளரிடம் போய் அவனை வைத்து ஏன் படம் எடுக்கிறீர்கள், எடுக்காதீங்க என்று சொன்னார். அதன் பிறகே பிரேக்கப் செய்ய முடிவு செய்தேன்.
பண உதவி
நான் தற்கொலை செய்வேன் என்று சனம் மிரட்டியதால் அமைதியாக இருந்தேன். தர்ஷனின் தங்கச்சி கல்யாணம் முடியட்டும், நீங்கள் காதலிப்பதில் பிரச்சனை இல்லை என்று தான் என் அம்மா சனமிடம் கூறினார். நான் தற்கொலை செய்வேன், மீடியாவிடம் போவேன், புகார் அளிப்பேன் என்று மிரட்டினார். நான் காதலிப்பது அம்மா, அப்பாவிடம் சொல்லிட்டேன். தங்கை இருப்பதால் எனக்கு நிச்சயம் நடந்ததை வீட்டில் சொல்வில்லை. டாக்ஸ் விஷயமா அவங்க எனக்கு ரூ. 3.5 லட்சம் கொடுத்தாங்க. பிக் பாஸ் நிகழ்ச்சிக்கு பிறகு அதை கொடுத்துவிட்டேன். நிச்சயதார்த்தத்திற்காக அவர் செலவு செய்த ரூ. 2.5 லட்சத்தை தான் கொடுக்க வேண்டும். அவர் எனக்கு எந்த பண உதவியும் செய்யவில்லை.
டார்ச்சர்
உடலாலும், மனதாலும் டார்ச்சர் செய்தது அவர் தான். பிக் பாஸ் நிகழ்ச்சியில் கலந்து கொண்ட 2 பேருடன் எனக்கு இது இருக்கு என்று சந்தேகப்பட்டு அவர்களுடன் பேசினார் சனம். நான் பிக் பாஸ் வீட்டில் இருந்தபோது ரம்யா, சத்யா கல்யாண வீட்டிற்கு அவர் சென்றிருக்கிறார். அங்கு அவருடைய முன்னாள் காதலர் வந்திருக்கிறார். அவருடன் நைட் பார்ட்டி பண்ணியிருக்கிறார். அதை சத்யா, ரம்யா பார்த்திருக்கிறார்கள். இதை விட நிறைய விஷயம் இருக்கு. அதற்கு ஆதாரம் உள்ளது. பிக் பாஸை விட்டு வந்த பிறகு எனக்கு நிச்சயமானதை ஷெரினிடம் கூறியபோது இனி நாம் பேச வேண்டாம், நட்பாக இருப்பதை கூட நிறுத்திக் கொள்ளலாம் என்றார். சனம் சொல்லித் தான் நான் ஷெரினை இன்ஸ்டாகிராமில் அன்ஃபாலோ செய்தேன். என் நாட்டில் வந்து என்னையே இப்படி செய்கிறாயா, உன்னை வளரவிட மாட்டேன் என்று சனம் மிரட்டினார் என்றார் தர்ஷன்.
Source: samayam
