Samayam Tamil | Updated:
இன்று பிறந்தநாள் கொண்டாடும் சிம்புவுக்கு திரையுலக பிரபலங்களும், ரசிகர்களும் வாழ்த்து தெரிவித்துக் கொண்டிருக்கிறார்கள்.
சிம்பு
சிம்பு இன்று தனது 37வது பிறந்தநாளை கொண்டாடுகிறார். நள்ளிரவு 12 மணிக்கு தனது குடும்பத்தார், நெருங்கிய நண்பர்களுடன் சேர்ந்து கேக் வெட்டினார். சிம்புவின் பிறந்தநாளை கொண்டாட ரசிகர்கள் நள்ளிரவில் அவர் வீட்டிற்கு வெளியே குவிந்தனர். மேலும் சிம்புவை வைத்து மாநாடு படத்தை தயாரிக்கும் சுரேஷ் காமாட்சி ட்விட்டரில் அவருக்கு வாழ்த்து தெரிவித்துள்ளார். இந்நிலையில் சிம்பு பற்றிய 5 ரகசியங்களை தெரிந்து கொள்வோம்.
பிரியாணி
சிம்புவுக்கு பிரியாணி என்றால் மிகவும் பிடிக்கும். அதிலும் குறிப்பாக சிக்கன் பிரியாணி என்றால் ஒரு கட்டு கட்டுவார். படப்பிடிப்புதளத்தில் கூட சிம்பு பிரியாணி சாப்பிடுவதை பார்க்க முடியும். தனக்கு பிரியாணி எவ்வளவு பிடிக்கும் என்பதை சிம்புவே பல பேட்டிகளில் தெரிவித்துள்ளார். இன்று நிச்சயம் சிக்கன் பிரியாணி ட்ரீட் உண்டு.
அஜித்
சிறு பிள்ளையாக இருந்ததில் இருந்தே நடித்து வரும் சிம்புவுக்கு கோலிவுட்டில் அதிகம் பிடித்த நடிகர் அஜித் தான். ஹாலிவுட்டில் தி காட்ஃபாதர் படம் புகழ் அல் பசினோவும், மார்கன் ஃப்ரீமேனும் சிம்புவுக்கு பிடித்த நடிகர்கள் ஆவர். இந்த மூன்று நடிகர்களின் படம் ரிலீஸானால் தவறாமல் பார்த்துவிடுவார் சிம்பு.
நண்பர்கள்
சிம்புவுக்கு பள்ளி காலத்தில் இருந்தே நெருங்கிய நண்பர்கள் உண்டு. மகத், தீபன் மற்றும் சாத்தப்பன் ஆகியோர் சிறு வயதில் இருந்தே சிம்புவுக்கு நெருக்கம். இதில் மகத் சிம்புவுடன் அதிகம் நேரம் செலவிடுவார். மகத் எப்பொழுது பார்த்தாலும் சிம்புவுடன் இருப்பது அவரின் ரசிகர்களுக்கு பிடிக்கவில்லை என்பது குறிப்பிடத்தக்கது.
அனிருத்
இளம் தலைமுறையினரில் சிம்புவுக்கு மிகவும் பிடித்த இசையமைப்பாளர் என்றால் அது அனிருத். இருவரும் நல்ல நண்பர்கள் மற்றும் சேர்ந்து பணியாற்றியுள்ளனர். சிம்புவுக்கு ரஜினிகாந்த் நடித்த அண்ணாமலை படத்தை ரீமேக் செய்ய விருப்பம். இதை அவர் பேட்டிகளில் தெரிவித்துள்ளார். லிட்டில் சூப்பர் ஸ்டார் என்று அழைக்கப்பட்ட அவருக்கு ரஜினி படத்தில் நடிக்க ஆசை.
Source: samayam
