விஜய்யை வைத்து மாஸ்டர் படத்தை இயக்கியிருக்கும் லோகேஷ் கனகராஜிடம் படத்தின் அப்டேட்டை ரசிகர்கள் கேட்டு வருகிறார்கள்.
நடிகர் விஜய், விஜய் சேதுபதி இணைந்து நடித்திருக்கும் படம் மாஸ்டர். லோகேஷ் கனகராஜ் இயக்கியிருக்கும் இப்படத்தில் நடிகர் விஜய் சேதுபதி வில்லனாகவும், விஜய் கல்லூரி பேராசிரியராகவும் நடித்துள்ளார்கள். மாளவிகா மோகனன், ஆண்ட்ரியா, ஷாந்தனு, ஸ்ரீமண் உள்ளிட்ட பலர் இப்படத்தில் நடித்துள்ளனர்.
கடந்த ஏப்ரல் மாதமே ரிலீஸ் ஆக வேண்டிய இப்படம் கொரோனா வைரஸ் காரணமாக ஊரடங்கு உத்தரவு பிறப்பிக்கப்பட்டுள்ளதால் படத்தின் பின்னணி பணிகள் தாமதமானது.
இந்நிலையில் தமிழக அரசு போஸ்ட் புரொடக்ஷன் பணிகளை மேற்கொள்ள அனுமதி கொடுத்ததை தொடர்ந்து பின்னணி பணிகள் தொடங்கி நடைபெற்று வருகிறது.
இதை இயக்குனர் லோகேஷ் கனகராஜ் புகைப்படம் ஒன்று பதிவு செய்து பின்னணி வேலைகள் நடைபெற்று வருவதை கூறினார். இதற்கு ரசிகர்கள் பலரும் அந்த டிரைலரை எப்போது ரிலீஸ் செய்வீர்கள் என்றும் படத்தின் அப்டேட் ஏதாவது சொல்லுங்கள் என்றும் பதிவு செய்து வருகிறார்கள்.
Source: Malai Malar