முன்னணி இயக்குனராக வலம் வரும் கௌதம் மேனன் வெப்சீரிஸ்காக பிரபல ஒளிப்பதிவாளருடன் இணைய இருக்கிறார்.
தமிழ் சினிமாவில் முன்னணி இயக்குநராக வலம் வருபவர் கௌதம் மேனன். கமல், அஜித், சூர்யா, விக்ரம், தனுஷ், சிம்பு என தமிழ் சினிமாவின் டாப் ஹீரோக்களை வைத்து இவர் இயக்கியுள்ளார். இதுமட்டுமின்றி இவர் ரம்யா கிருஷ்ணன் நடிப்பில் குயின் வெப் தொடரை இயக்கினார். அண்மையில் இவர் இயக்கி யூ டியூபில் வெளியிட்ட , ‘கார்த்திக் டயல் செய்த எண், ஒரு சான்ஸ் கொடு பாடல் உள்ளிட்டவை சூப்பர் ஹிட் அடித்தது.
இந்நிலையில் கௌதம் மேனனின் அடுத்ததாக, அமேசான் நிறுவனத்திற்காக வெப் சீரிஸ் ஒன்றை இயக்கவுள்ளார். இத்தொடரில் கௌதம் மேனன், இந்தியாவின் தலைச்சிறந்த ஒளிப்பதிவாளரான பி.சி.ஶ்ரீராமுடன் இணையவுள்ளார். கொரோனா வைரஸ் லாக்டவுன் முடிந்த பிறகு, இந்த வெப் தொடருக்கான வேலைகள் ஆரம்பமாக இருக்கிறது.
Source: Malai Malar