கபில்தேவ் தலைமையிலான இந்திய அணி கிரிக்கெட் உலக கோப்பை வென்று 37 ஆண்டு ஆனதை 83 படக்குழுவினர் கொண்டாடி உள்ளனர்.
கபில்தேவ் தலைமையிலான இந்திய அணி 1983-ல் கிரிக்கெட் உலக கோப்பையை வென்று சாதனை நிகழ்த்தியது. இந்த வரலாற்று நிகழ்வை மையமாக வைத்து ‘83’ என்ற பெயரில் புதிய படம் தயாராகிறது. ஏற்கனவே கிரிக்கெட் வீரர்கள் சச்சின் தெண்டுல்கர், டோனி ஆகியோர் வாழ்க்கை படமாக வெளிவந்து வரவேற்பை பெற்றன. அதுபோல் 83 படத்துக்கும் ரசிகர்கள் மத்தியில் பெரிய எதிர்பார்ப்பு உள்ளது.
கபீர்கான் இயக்கியுள்ள இப்படத்தில் கபில்தேவாக ரன்வீர் சிங் நடித்துள்ளார். உலக கோப்பையை வென்ற அணியில் இருந்த தமிழக வீரர் ஸ்ரீகாந்த் வேடத்தில் ஜீவா நடித்துள்ளார். கடந்த ஏப்ரல் மாதம் ரிலீசாக இருந்த இப்படம் கொரோனா ஊரடங்கு காரணமாக தள்ளிப்போயுள்ளது.
இந்நிலையில்,கபில்தேவ் தலைமையிலான இந்திய அணி உலகக்கோப்பை வென்று 37 ஆண்டுகள் நிறைவு செய்ததையொட்டி பிரபல தயாரிப்பு நிறுவனமான ரிலையன்ஸ் என்டர்டெயின்மெண்ட்ஸ் 83 படக்குழு சார்பில், சமூக வலைதளத்தில் ஒரு சிறப்பு வீடியோவை வெளியிட்டுள்ளது.
Source: Malai Malar