விஷால் நடித்த படங்கள் தமிழ் தெலுங்கில் மட்டுமே வெளியாகி வந்த நிலையில், தற்போது முதன்முறையாக இந்தியிலும் வெளியாக உள்ளது.
விஷால் நடிப்பில் தற்போது உருவாகி இருக்கும் திரைப்படம் ‘சக்ரா’. எம்.எஸ்.ஆனந்த் இயக்கியுள்ள இப்படத்தில் விஷாலுக்கு ஜோடியாக ஸ்ரத்தா ஸ்ரீநாத் நடித்துள்ளார். மேலும் ரெஜினா, ரோபோ சங்கர், சிருஷ்டி டாங்கே, மனோபாலா ஆகியோரும் முக்கிய கதாபாத்திரத்தில் நடித்துள்ளனர்.
பழம்பெரும் நடிகை கே.ஆர்.விஜயா நீண்ட இடைவெளிக்கு பிறகு இந்த படத்தில் முக்கிய கதாபாத்திரத்தில் நடித்துள்ளார். விஷால் இப்படத்தில் ராணுவ அதிகாரி வேடத்தில் நடித்துள்ளார். பாலசுப்ரமணியம் ஒளிப்பதிவு செய்துள்ள இப்படத்திற்கு யுவன் சங்கர் ராஜா இசையமைத்துள்ளார். இப்படம் வருகிற 19-ந் தேதி வெளியாக உள்ளது.
இந்நிலையில், இப்படத்தை ‘சக்ரா கா ரக்சக்’ என்ற பெயரில் இந்தியிலும் வெளியிட உள்ளதாக படக்குழு அறிவித்துள்ளது. இந்தியில் விஷால் படம் வெளியாவது இதுவே முதன்முறை. சக்ரா படத்தை இந்தி மொழி ரசிகர்கள் எவ்வாறு ஏற்றுக்கொள்ள போகிறார்கள் என்பதை காண ஆவலுடன் இருப்பதாக விஷால் தெரிவித்துள்ளார்.
[embedded content]
Source: Malai Malar
