கார்த்திக் சுப்புராஜ் இயக்கத்தில் தனுஷ் நடித்துள்ள ஜகமே தந்திரம் படத்தின் டீசரை வெளியிட்டுள்ள படக்குழு, ஓடிடி வெளியீட்டை உறுதி செய்துள்ளது.
கார்த்திக் சுப்புராஜ் இயக்கத்தில் தனுஷ் நடித்துள்ள படம் ஜகமே தந்திரம். இந்த படத்தில் தனுஷுக்கு ஜோடியாக ஐஸ்வர்யா லட்சுமி மற்றும் சஞ்சனா நடராஜன் ஆகியோர் நடித்துள்ளனர். இந்த படத்தில் பிரபல ஹாலிவுட் நடிகர் ஜேம்ஸ் காஸ்மோ முக்கிய கதாபாத்திரத்தில் நடித்துள்ளார். ஸ்ரேயாஸ் கிருஷ்ணா ஒளிப்பதிவு செய்துள்ள இப்படத்திற்கு சந்தோஷ் நாராயணன் இசையமைத்துள்ளார்.
இப்படத்தை ஓடிடி-யில் வெளியிட உள்ளதாக தகவல் வெளியாகி பரபரப்பை ஏற்படுத்தியது. இருப்பினும் படக்குழு தரப்பில் இதுகுறித்து எந்தவித அறிவிப்பையும் வெளியிடாமல் இருந்தனர்.
இந்நிலையில், ஜகமே தந்திரம் படத்தின் டீசரை வெளியிட்டு, படம் ஓடிடி-யில் வெளியாவதை உறுதிப்படுத்தி உள்ளனர். நெட்பிளிக்ஸ் தளத்தில் இப்படம் நேரடியாக வெளியிடப்பட உள்ளது. விரைவில் வெளியீடு தேதியை அறிவிக்க உள்ளனர். விளம்பரம் ரசிகர்களிடம் நல்ல வரவேற்பை பெற்றுவந்தாலும், படத்தை திரையரங்கில் வெளியிடுமாறு ரசிகர்கள் தொடர்ந்து கோரிக்கை வைத்து வருகின்றனர்.
[embedded content]
Source: Malai Malar
