Press "Enter" to skip to content

கழுகு பட இயக்குனருடன் கூட்டணி அமைக்கும் சசிகுமார்

தமிழ் திரையுலகில் பிசியான நடிகராக வலம்வரும் சசிகுமார், எம்.ஜி.ஆர்.மகன், ராஜவம்சம், கொம்புவச்ச சிங்கம்டா, பகைவனுக்கு அருள்வாய் போன்ற படங்களை கைவசம் வைத்துள்ளார்.

சுப்ரமணியபுரம் படம் மூலம் இயக்குனராக அறிமுகமானவர் சசிகுமார். அந்தப் படம் மிகப்பெரிய வெற்றிப்படமாக அமைந்தது. அதனை தொடர்ந்து ஈசன் படத்தை இயக்கினார். அதன்பிறகு நடிப்பில் கவனம் செலுத்திய சசிகுமார் நாடோடிகள், போராளி, சுந்தரபாண்டியன், குட்டிப்புலி, கிடாரி, நாடோடிகள் 2 உள்பட பல படங்களில் நடித்துள்ளார்.

தற்போது எம்.ஜி.ஆர்.மகன், ராஜவம்சம், கொம்புவச்ச சிங்கம்டா, பகைவனுக்கு அருள்வாய், முந்தானை முடிச்சு 2, நாநா, கத்துக்குட்டி இயக்குனருடன் ஒரு படம், க/பெ ரணசிங்கம் இயக்குனருடன் ஒரு படம் என ஏராளமான படங்களை கைவசம் வைத்துள்ளார்.

இந்நிலையில், சசிகுமார் மேலும் ஒரு படத்தில் ஒப்பந்தமாகி உள்ளார். அதன்படி கழுகு படத்தை இயக்கிய சத்ய சிவா இயக்கும் புதிய படத்தில் சசிகுமார் கதாநாயகனாக நடிக்க உள்ளார். புதிர் திரில்லர் படமாக இது உருவாக உள்ளதாம். இப்படம் குறித்த அதிகாரப்பூர்வ அறிவிப்பு விரைவில் வெளியாகக்கூடும் என எதிர்பார்க்கப்படுகிறது.

Related Tags :

[embedded content]

Source: Malai Malar

More from திரையுலகம்More posts in திரையுலகம் »