இயக்குனர் ஷங்கர் அடுத்ததாக இயக்க உள்ள படத்தில், நடிகர் விஜய் சேதுபதி முக்கிய கதாபாத்திரத்தில் நடிக்க உள்ளதாக கூறப்படுகிறது.
ஷங்கர் இயக்கத்தில் கமல்ஹாசன் நடித்த இந்தியன் 2 படம், விபத்து, கொரோனா பரவல், கமல்ஹாசனின் அரசியல் பணிகள் போன்ற காரணங்களால் பல மாதங்களாக முடங்கி உள்ளது. இதனால் அப்படத்தை கிடப்பில் போட்டுள்ள இயக்குனர் ஷங்கர், அடுத்ததாக தெலுங்கு நடிகர் ராம்சரணை வைத்து புதிய படம் ஒன்றை இயக்க உள்ளார்.
இப்படத்தை பிரபல தெலுங்கு தயாரிப்பாளர் தில் ராஜூ பிரம்மாண்டமாக தயாரிக்கிறார். இப்படத்தில் பிரபல தெலுங்கு நடிகரும், நடிகர் ராம்சரணின் தந்தையுமான சிரஞ்சீவியும், பிரபல பாலிவுட் நடிகர் சல்மான் கானும் நடிக்க உள்ளதாக ஏற்கனவே செய்திகள் வெளியானது.
இந்நிலையில், நடிகர் விஜய் சேதுபதியும் இப்படத்தில் முக்கிய கதாபாத்திரத்தில் நடிக்க உள்ளதாக தகவல் வெளியாகி உள்ளது. விஜய் சேதுபதிக்கு தெலுங்கிலும் ஏராளமான ரசிகர்கள் உள்ளதால், அவரை நடிக்க வைக்க ஷங்கர் திட்டமிட்டுள்ளதாக கூறப்படுகிறது. ஏற்கனவே ஷங்கரின் இந்தியன் 2 படத்தில் நடிக்க வாய்ப்பு கிடைத்தும், கால்ஷீட் பிரச்சனை காரணமாக நடிகர் விஜய் சேதுபதி அப்பட வாய்ப்பை தவறவிட்டது குறிப்பிடத்தக்கது.
[embedded content]
Source: Malai Malar
