நேரடியாக ஓடிடி-யில் ரிலீசாகும் விஜய் சேதுபதியின் மலையாள படம்

நடிகர் விஜய்சேதுபதி, கடந்த 2019ம் ஆண்டு வெளியான ‘மார்க்கோனி மத்தாய்’ என்கிற படத்தின் மூலம் மலையாள திரையுலகில் அறிமுகமானார். இதையடுத்து இந்து வி.எஸ் என்பவர் இயக்கத்தில் உருவாகி வரும் 19 (1)(a) என்கிற மலையாள படத்தில் விஜய் சேதுபதி நடித்துள்ளார். 

இந்தப்படத்தில் கதாநாயகியாக நித்யா மேனன் நடித்திருக்கிறார். இப்படத்தில் நடிகர் விஜய் சேதுபதி எழுத்தளார் கதாபாத்திரத்தில் நடித்துள்ளார். இந்தப்படம் திரில்லர் ஜானரில் உருவாகியுள்ளது. 

இந்நிலையில், இப்படம் விரைவில் ஓடிடி-யில் ரிலீசாக உள்ளதாக கூறப்படுகிறது. இதற்காக முன்னணி ஓடிடி நிறுவனங்களிடம் பேச்சுவார்த்தை நடத்தி வரும் தயாரிப்பு நிறுவனம், விரைவில் இதுகுறித்த அதிகாரப்பூர்வ அறிவிப்பை வெளியிட உள்ளதாம்.

இதேபோல் நடிகர் விஜய் சேதுபதி நடிப்பில் தமிழில் உருவாகி உள்ள துக்ளக் தர்பார் படமும் ஓடிடி-யில் வெளியாக உள்ளது குறிப்பிடத்தக்கது.

[embedded content]