நடிகர் விஜய் சேதுபதி ஏற்கனவே தெலுங்கில் சைரா நரசிம்மா ரெட்டி, உப்பென்னா போன்ற படங்களில் நடித்துள்ளார் என்பது குறிப்பிடத்தக்கது.
விஷ்ணு விஷால் நடித்து கடந்த 2018-ம் ஆண்டு திரைக்கு வந்த ராட்சசன் படத்துக்கு விமர்சன ரீதியாகவும் வசூல் ரீதியாகவும் வரவேற்பு கிடைத்தது. சைக்கோ திரில்லர் படமாக தயாராகி இருந்த இது, விஷ்ணு விஷாலின் திரையுலக வாழ்க்கையில் முக்கிய படமாகவும் அமைந்தது. ராம்குமார் இயக்கி இருந்த இப்படத்தில், விஷ்ணு விஷால் ஜோடியாக அமலாபால் நடித்து இருந்தார்.
தமிழில் ஹிட்டான இந்த படம் மற்ற மொழிகளிலும் மறுதயாரிப்பு செய்யப்பட்டது. அதன்படி ராட்சசன் படத்தின் தெலுங்கு மறுதயாரிப்புகில் பெல்லம்கொண்டா சீனிவாஸ் நடித்திருந்தார். ராட்சசுடு என்ற பெயரில் கடந்த 2019-ம் ஆண்டு வெளியான இப்படம் அங்கு மிகப்பெரிய வெற்றி பெற்றது.
இந்நிலையில், ராட்சசுடு படத்தின் இரண்டாம் பாகம் தயாராக உள்ளதாக அதிகாரப்பூர்வமாக அறிவித்துள்ளனர். முதல் பாகத்தை இயக்கிய ரமேஷ் வர்மா, இந்த படத்தையும் இயக்க உள்ளார். இப்படத்தில் முன்னணி கதாநாயகனை நடிக்க வைக்க உள்ளதாக அவர் தெரிவித்துள்ளார்.
‘ராட்சசுடு 2’ படத்தின் விளம்பர ஒட்டி
சமீபத்தில் இயக்குனர் ரமேஷ் வர்மா, சென்னை வந்து விஜய் சேதுபதியை சந்தித்து கதை சொன்னார். அது ராட்சசுடு 2-ம் பாகத்துக்கான கதையாக இருக்கலாம் என கூறப்படுகிறது. அதனால் இப்படத்தில் விஜய்சேதுபதி கதாநாயகனாக நடிக்க வாய்ப்புள்ளதாக டோலிவுட் வட்டாரத்தில் செய்திகள் வலம்வருகின்றன. நடிகர் விஜய் சேதுபதி ஏற்கனவே தெலுங்கில் சைரா நரசிம்மா ரெட்டி, உப்பென்னா போன்ற படங்களில் நடித்துள்ளார் என்பது குறிப்பிடத்தக்கது.
[embedded content]
Source: Malai Malar