வெப் தொடரில் அறிமுகமாகும் கவின்

‘சரவணன் மீனாட்சி’ சீரியலில் நடித்து பிரபலமானவர் கவின். இதையடுத்து படங்களில் சிறிய கதாபாத்திரங்களில் நடித்து வந்த அவர், ‘நட்புன்னா என்னானு தெரியுமா’ படத்தின் மூலம் தமிழ் திரைப்படத்தில் கதாநாயகனாக அறிமுகமானார். அதைத்தொடர்ந்து பிக்பாஸ் நிகழ்ச்சியின் 3-வது பருவத்தில் கலந்து கொண்ட கவின், ஏராளமான ரசிகர்களைப் பெற்றார். இவர் தற்போது ‘லிப்ட்’ படத்தில் நடித்து முடித்துள்ளார். இப்படம் வெளியீட்டிற்கு தயாராகி வருகிறது.

கவின்

இந்நிலையில், நடிகர் கவின், அடுத்ததாக வெப் தொடர் ஒன்றில் நடிக்க ஒப்பந்தமாகி உள்ளார். ஆகாசவாணி என பெயரிடப்பட்டுள்ள இந்த வெப் தொடரை புதுமுக இயக்குனர் ஒருவர் இயக்க உள்ளதாக கூறப்படுகிறது. தற்போது இந்த வெப் தொடரில் நடிக்கும் நடிகர், நடிகைகள் மற்றும் தொழில்நுட்ப கலைஞர்கள் தேர்வு நடைபெற்று வருகிறது. விரைவில் இந்த வெப் தொடர் குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

[embedded content]