நடிகர் ஆர்யாவும், அவரது மனைவி சாயிஷாவும் கஜினிகாந்த், காப்பான், டெடி ஆகிய படங்களில் இணைந்து நடித்துள்ளனர் என்பது குறிப்பிடத்தக்கது.
தமிழ் திரையுலகில் முன்னணி நடிகராக வலம் வருபவர் ஆர்யா. இவர் கடந்த 2019-ம் ஆண்டு நடிகை சாயிஷாவை காதலித்து திருமணம் செய்து கொண்டார். இத்தம்பதிக்கு கடந்த ஜூலை மாதம் பெண் குழந்தை பிறந்தது.
குழந்தை பிறந்து 2 மாதங்கள் ஆகும் நிலையில், முதன்முறையாக குழந்தையின் பெயரை வெளியிட்டுள்ளார் ஆர்யா. அதன்படி அக்குழந்தைக்கு ‘ஆரியானா’ என பெயரிட்டுள்ளனர். இதையடுத்து ஆர்யா, சாயிஷா தம்பதிக்கு வாழ்த்துக்கள் குவிந்த வண்ணம் உள்ளன.
ஆர்யா, சாயிஷா
நடிகர் ஆர்யா நடிப்பில் தற்போது எனிமி, அரண்மனை 3 ஆகிய படங்கள் உருவாகி உள்ளன. இந்த இரண்டு படங்களும் வருகிற அக்டோபர் மாதம் 14-ந் தேதி ஆயுத பூஜை பண்டிகையன்று திரையரங்குகளில் ரிலீசாக உள்ளது. இதில் எனிமி படத்தில் பகைவனாகவும், அரண்மனை 3 படத்தில் கதாநாயகனாகவும் நடித்துள்ளார் ஆர்யா.
[embedded content]
Source: Malai Malar
