பொன்ராம் இயக்கும் புதிய படத்தில் விஜய் சேதுபதிக்கு ஜோடியாக நடிக்க உள்ள கதாநாயகி குறித்த அதிகாரப்பூர்வ அறிவிப்பு வெளியாகி உள்ளது.
சிவகார்த்திகேயன் நடித்த ‘வருத்தப்படாத வாலிபர் சங்கம்’, ‘ரஜினி முருகன்’, ‘சீமராஜா’ உள்ளிட்ட படங்களை இயக்கியவர் பொன்ராம். இவர் அடுத்ததாக இயக்கும் படத்தில் நடிகர் விஜய் சேதுபதி கதாநாயகனாக நடிக்க உள்ளார். சன் பிக்சர்ஸ் நிறுவனம் தயாரிக்கும் இப்படத்திற்கு டி இமான் இசையமைக்கிறார். மிகச்சரியாக கமர்ஷியல் திரைப்படமாக உருவாகும் இதில் நடிகர் விஜய் சேதுபதி காவல் துறை அதிகாரியாக நடிக்கிறார்.
அனுகீர்த்தி வாஸ்
இந்நிலையில், இந்த படத்தில் விஜய் சேதுபதிக்கு ஜோடியாக இளம் நடிகை அனுகீர்த்தி வாஸ் நடிப்பதாக படக்குழு அதிகாரப்பூர்வமாக அறிவித்துள்ளது. இப்படம் மூலம் அவர் தமிழ் திரையுலகில் கதாநாயகியாக அறிமுகமாக உள்ளார். நடிகை அனுகீர்த்தி வாஸ், கடந்த 2018 ஆம் ஆண்டு நடந்த பெமினா மிஸ் இந்தியா அழகிப் போட்டியில் கலந்து கொண்டு வெற்றி பெற்றவர் என்பது குறிப்பிடத்தக்கது.
[embedded content]
Source: Malai Malar