மகாராஷ்டிரா மாநிலம் மும்பை – கோவா தேசிய நெடுஞ்சாலையில் பார வண்டியும், காரும் நேருக்கு நேர் மோதிய விபத்தில் 9 பேர் பரிதாபமாக உயிரிழந்தனர்.
கார் – பார வண்டி மோதல் :
மகாராஷ்டிர மாநிலம் ராய்காட் மாவட்டத்தில் மும்பை – கோவா நெடுஞ்சாலையில் உள்ள மங்கான் பகுதியில் எதிர்பாராத விதமாக காரும் பார வண்டியும் நேருக்கு நேர் மோதி விபத்துக்குள்ளானது. அதிகாலை 5 மணியளவில் நடைபெற்ற இந்த விபத்தில் கனரக பார வண்டி மோதியதால் தேர் அப்பளம் போல் நொறுங்கியது.
9 பேர் உயிரிழப்பு :
இந்த கோர விபத்தில் 5 ஆண்கள், 3 பெண்கள், ஒரு குழந்தை உட்பட 9 பேர் சம்பவ இடத்திலேயே உடல் நசுங்கி பரிதாபமாக உயிரிழந்தனர். மேலும் விபத்தில் படுகாயமடைந்த சிறுமி உயிருக்கு போராடி கொண்டிருந்தார்.
இதையும் படிக்க : சட்டம் – ஒழுங்கு குறித்து ஆலோசனை…முதலமைச்சர் வழங்கப்போகும் அறிவுரை என்னென்ன?
உடலை மீட்ட காவல் துறையினர் :
தொடர்ந்து இந்த விபத்து குறித்து தகவலறிந்த காவல் துறையினர் சம்பவ இடத்திற்கு விரைந்து சென்று படுகாயங்களுடன் உயிருக்கு போராடி கொண்டிருந்த சிறுமியை உடனடியாக மீட்டு மருத்துவமனைக்கு அனுப்பி வைத்தனர். இதனையடுத்து சம்பவ இடத்தில் உயிரிழந்த 9 பேரின் உடலையும் மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.
முதற்கட்ட விசாரணை :
இதனைத்தொடர்ந்து, இந்த விபத்து குறித்து காவல் துறையினர் நடத்திய முதற்கட்ட விசாரணையில், இறந்தவர்கள் அனைவரும் துக்க காரியத்திற்காக சென்றுவிட்டு ஊர் திரும்பிக் கொண்டிருந்த போது, விபத்தில் சிக்கியது தெரியவந்தது.
Source: Malai Malar
