புதிய திருப்பம்.. கொரோனா நச்சுநுண்ணுயிர் (வைரஸ்)க்கு எதிரான போராட்டத்தில் சாதித்த ஆஸ்திரேலியா.. .விரைவில் தடுப்பூசி!

சீனா தவிர தாய்லாந்து, பிரான்ஸ், அமெரிக்கா, ஆஸ்திரேலியா உள்ளிட்ட 15 நாடுகளில் கொரோனா வைரஸ் தாக்குல் ஏற்பட்டுள்ளது. ஆனால் உலகில் சீனாவைத் தவிர வேறு எங்கும் உயிரிழப்புகள் ஏற்படவில்லை. உலகின் பல நாடுகளும் கொரோனா வைரஸில் இருந்து தங்களை பாதுகாக்க பல்வேறு நடவடிக்கைகளை எடுத்து வருகின்றன.

எனினும் ‘ உயிர் கொல்லி வைரஸ் கொரோனாவுக்கு இதுவரை தடுப்பு மருந்துகள் கண்டுபிடிக்கப்படவில்லை. கண்டுபிடிக்கும் முயற்சியில் சீனா தீவிரமாக இறங்கி உள்ளது. அண்மையில் சீனா கொரோனா வைரஸின் மைக்ரோஸ்கோபிக் படத்தை முதன்முதலாக வெளியிட்டது. வுகான் நகரில் இரண்டு நோயாளிகளிடம் இருந்து இந்த வைரஸ் பிரித்தெடுக்கப்பட்டுள்ளதாக சுகாதாரத் துறை அதிகாரிகள் கூறினர்.

இந்நிலையில் ஆஸ்திரேலியாவின் மெல்போர்னில் உள்ள விஞ்ஞானிகள், புதிய கொரோனா வைரஸை மீண்டும் உருவாக்கி சாதனை படைத்துள்ளனர். சீன விஞ்ஞானிகள் ஏற்கெனவே கண்டுபிடித்து வெளியிட்டிருந்தாலும் அதன் மரபணு வரிசையை மட்டும்தான் சீனா (genome sequence) வெளியிட்டது..

ஆனால் மெல்பர்னில் இருக்கும் சிறப்பு ஆய்வுக் கூட விஞ்ஞானிகள் (The Peter Doherty Institute for Infection and Immunity) பாதிக்கப்பட்ட நோயாளியிடமிருந்து பெற்று மறுஉருவாக்கம் செய்ததாக கூறியுள்ளனர். கொரோனாவுக்கு எதிரான போராட்டத்தில் முக்கியமான திருப்பு முனை என மருத்துவர்கள் தெரிவித்தன.

இந்தக் கண்டுபிடிப்பு காரணமாக ஒருவருக்கு கொரோனா வைரஸ் உள்ளதா என்பதை விரைவாக கண்டறிவதுடன், அதற்குச் சிகிச்சை அளிப்பது எளிமையாகும் என்கிறார்கள். அதாவது அறிகுறிகள் தெரியும் முன்னே இதை வைத்து தொற்று இருக்கிறதா என்பதைச் சோதனை செய்துபார்க்க முடியும் என்கிறார்கள். இந்த கண்டுபிடிப்பின் காரணமாக ஆஸ்திரேலிய விஞ்ஞானிகள் கொரோனா வைரஸ் தடுப்பூசி கண்டுபிடிப்பதற்கான பணியில் நெருங்கிவிட்டதாக சொல்கிறார்கள்.