ஜேம்ஸ் கேம்ரூன் இயக்கத்தில் வெளியான ‘அவதார் 2’ திரைப்படம் சிறந்த விஷூவல் எஃபெக்ட்ஸூக்கான ஆஸ்கர் விருதை வென்றுள்ளது.
ஜேம்ஸ் கேமரூன் இயக்கத்தில் கடந்த டிசம்பர் 16ல் வெளியான படம், ‘அவதார்: த வே ஆஃப் வாட்டர்’. சாம் வொர்த்திங்டன், ஜோ சல்டனா, ஸ்டீபன் லாங், கேத் வின்ஸ்லெட் உட்பட பலர் நடித்திருந்தனர். படம் பற்றி கலவையான விமர்சனங்கள் வந்திருந்தாலும் தொடர்ந்து வசூலைக் குவித்தது.
உலக அளவில் ரூ.18,530 கோடி வசூலித்து ‘டைட்டானிக்’ படம் மூன்றாம் இடத்தில் இருக்கிறது. ‘அவதார்: த வே ஆஃப் வாட்டர்’ படம் ரூ.18,534 கோடிக்கு மேல் வசூலித்து ‘டைட்டானிக்’கை முந்தி வசூலில் சாதனை படைத்தது. இந்நிலையில், ‘அவதார்: த வே ஆஃப் வாட்டர்’ திரைப்படம் சிறந்த விஷூவல் எஃபெக்டஸ்க்கான ஆஸ்கர் விருதை வென்றுள்ளது.
Source: Hindu
