டேவிட் வார்னர் தன் மகளுடன் சேர்ந்து, பிரபல பாலிவுட் பாடலான ‘ஷீலா கி ஜவானி’ பாடலுக்கு நடனமாடியுள்ளார்.
மும்பை:
டேவிட் வார்னருக்கு இந்திய மக்கள் மீது அதிக அன்பும், காதலும் இருப்பது அனைவரும் நன்கு அறிந்ததே. ஆனால், அவர் பாலிவுட் பாடலுக்கு நடனமாடுவார் என்று யாரும் எதிர்பார்த்திருக்க மாட்டார்கள்.
இந்த நிலையில், ஆஸ்திரேலியா கிரிக்கெட் வீரர் டேவிட் வார்னர் சமீபத்தில் அவர், டிக்டாக் வீடியோ ஒன்று இன்ஸ்டாகிராமில் பதிவிட்டு, தன்னுடைய டிக்டாக் கணக்கிற்கு பின்தொடர்பவர்கள் யாருமில்லாததால், ஆதரவு தெரிவிக்கும்படி உதவி கோரினார். இப்போது அவர் தன் மகளுடன் சேர்ந்து, பிரபல பாலிவுட் பாடலான ‘ஷீலா கி ஜவானி’ பாடலுக்கு நடனமாடி அசத்தி உள்ளார்.
வார்னர் தனது அதிகாரப்பூர்வ இன்ஸ்டாகிராம் பக்கத்தில், தனது நடன வலிமையின் துணுக்கை வெளியிட்டார், ஒரு மணி நேரத்திற்குள் 2,50,000 க்கும் மேற்பட்ட பார்வையாளர்களைக் கவர்ந்தது.
Related Tags :
Source: Maalaimalar