Press "Enter" to skip to content

ஜோகோவிச்சை மெட்வதேவ் வீழ்த்துவார் – சிட்சிபாஸ் நம்பிக்கை

ஆஸ்திரேலிய ஓபன் டென்னிஸ் போட்டியின் இறுதி ஆட்டத்தில் ஜோகோவிச்சை வீழ்த்தி மெட்வதேவ் பட்டத்தை வெல்வார் என சிட்சிபாஸ் நம்பிக்கை தெரிவித்துள்ளார்.

ஆஸ்திரேலிய ஓபன் அரை இறுதியில் மெட்வதேவுடன் தோற்ற கிரீஸ் நாட்டை சேர்ந்த ஸ்டெபான் சிட்சிபாஸ் கூறியதாவது:-

நடப்பு சாம்பியன் ஜோகோவிச்சை வீழ்த்தி மெட்வதேவ் சாம்பியன் பட்டம் வென்றால் நான் ஆச்சரியப்பட மாட்டேன். 2 ஆண்டுகளுக்கு முன்பு நடாலுடன் ஆஸ்திரேலிய ஓபனில் மோதினேன். எனக்கு எதிராக அவரது ஆட்டம் மிகுந்த ஆக்ரோ‌ஷமாகவும், அபாரமாகவும் இருந்தது. அப்போது நடால் பட்டம் வெல்வார் என்று நினைத்தேன். ஆனால் அவர் ஜோகோவிச்சிடம் தோல்வி அடைந்தார்.

தற்போது டேனியல் மெட்வதேவ் அற்புதமாக விளையாடி வருகிறார். அவர் தொடர்ச்சியாக 20 ஆட்டங்களில் வெற்றிபெற்றுள்ளார். அவர் ஆட்டத்தை சரியாக கணித்து அதற்கேற்றார் போல் விளையாடுகிறார். மெட்வதேவின் சர்வீஸ் ஜான் இஷ்னருக்கு நிகராக இருக்கிறது. நான் அவரிடம் அரை இறுதியில் தோற்றது ஏமாற்றம் அளித்தது. அதே நேரத்தில் இந்த ஆட்டத்தின் மூலம் சில பாடங்களை கற்றுக் கொண்டேன்.

இவ்வாறு சிட்சிபாஸ் கூறியுள்ளார்.

Related Tags :

[embedded content]

Source: Maalaimalar

More from விளையாட்டுMore posts in விளையாட்டு »