2021 பருவத்தில் சஞ்சு சாம்சன் 10 போட்டிகளில் ஒரு சதம், இரண்டு அரைசதங்களுடன் 433 ஓட்டங்கள் குவித்து ஆரஞ்ச் தொப்பியை கைப்பற்றியுள்ளார்.
ஐ.பி.எல். 2021 பருவத்தில் சஞ்சு சாம்சன், ஷிகர் தவான், கே.எல். ராகுல், டு பிளிஸ்சிஸ், ருதுராஜ் கெய்க்வாட் உள்ளிட்ட வீரர்கள் சிறப்பான ஆட்டத்தை வெளிப்படுத்தி வருகின்றனர்.
ஐ.பி.எல். பருவம் தொடங்கியதில் இருந்து தவான் ஆதிக்கம் செலுத்து வருகிறார். அதிக ஓட்டங்கள் அடிக்கும் வீரருக்கு வழங்கும் ஆரஞ்ச் தொப்பியை தொடர்ந்து தன்வசம் வைத்திருந்தார்.
இந்த நிலையில் ராஜஸ்தான் ராயல்ஸ் கேப்டன் சஞ்சு சாம்சன் இன்றைய போட்டியில் சன்ரைசர்ஸ் ஐதராபாத் அணிக்கெதிராக 82 ஓட்டங்கள் விளாசினார். இதன்மூலம் 10 போட்டிகளில் 433 ஓட்டங்கள் குவித்து முதலிடம் பிடித்துள்ளார். இதன்மூலம் தவானிடம் இருந்த ஆரஞ்ச் தொப்பியை தன்வசமாக்கியுள்ளார். தவான் 10 போட்டிகளில் 430 ஓட்டங்கள் அடித்துள்ளார். கே.எல். ராகுல் 9 போட்டிகளில் 401 ஓட்டங்கள் அடித்துள்ளார். டு பிளிஸ்சிஸ் 394 ரன்களும், ருதுராஜ் கெய்க்வாட் 362 ரன்களும் அடித்துள்ளனர்.
Related Tags :
[embedded content]
Source: Maalaimalar
