கடைசி பந்தில் கேகேஆர்க்கு எதிரான திரில் வெற்றி – ரகசியம் உடைத்த கெயிக்வாட்

அபுதாபி:

சென்னை சூப்பர் கிங்ஸ், கொல்கத்தா நைட் ரைடர்ஸ் அணிகளுக்கு இடையிலான ஆட்டம் அபுதாபியில் நடைபெற்றது. முதலில் ஆடிய கொல்கத்தா நைட் ரைடர்ஸ் 6 மட்டையிலக்கு இழப்பிற்கு 171 ஓட்டங்கள் எடுத்திருந்தது.

இதையடுத்து, 172 ஓட்டங்கள் அடித்தால் வெற்றி என்ற இலக்குடன் சென்னை சூப்பர் கிங்ஸ் களமிறங்கியது. தொடக்க வீரர்கள் சிறப்பாக விளையாடிய போதிலும், மிடில் வாங்குதல் பேட்ஸ்மேன்கள் சொதப்பியதால் சென்னை சூப்பர் கிங்ஸ் அணிக்கு சிக்கல் ஏற்பட்டது.

கடைசி 10 பந்தில் 24 ஓட்டங்கள் தேவைப்பட்டது. 19-வது ஓவரின் கடைசி நான்கு பந்தில் இரண்டு சிக்ஸ், இரண்டு பவுண்டரிகளுடன் 20 ஓட்டங்கள் விளாசினார் ஜடேஜா. இதனால் சென்னை சூப்பர் கிங்ஸ் அணிக்கு கடைசி சுற்றில் 4 ஓட்டங்கள் மட்டுமே தேவைப்பட்டது. கடைசி பந்தில் சென்னை சூப்பர் கிங்ஸ் அணி திரில் வெற்றி பெற்றது. 

இதுதொடர்பாக சென்னை அணியின் தொடக்க ஆட்டக்காரர் ருதுராஜ் கெயிக்வாட் கூறுகையில், எங்கள் டீம் உறுப்பினர்களில் ஒருவரின் பின்னால் நான் மறைந்திருந்தேன். கடைசி பந்தைப் பார்க்க மிகவும் பதட்டமாக இருந்தது. ஒரு பெரிய இலக்கை துரத்தும்போது, ​அணியின் தொடக்கம் மிகவும் முக்கியமானது. அதை எங்களால் செய்ய முடிந்தது மகிழ்ச்சி. எங்களில் ஒருவர் 13-வது ஓவர் வரை மட்டையாட்டம் செய்திருந்தால் நன்றாக இருந்திருக்கும். கேப்டன் டோனி எப்போதும் போல் கூலாக அமர்ந்திருந்தார் என தெரிவித்தார்.

[embedded content]