கொல்கத்தாவுடன் இன்று மோதல்- ஹாட்ரிக் வெற்றி ஆர்வத்தில் ஐதராபாத் அணி

மும்பை:

ஐ.பி.எல். போட்டியில் 25-வது லீக் ஆட்டம் மும்பை பிராபோர்ன் மைதானத்தில் இன்று இரவு 7.30 மணிக்கு நடக்கிறது.

இதில் வில்லியம்சன் தலைமையிலான சன்ரைசர்ஸ் ஐதராபாத்- ஸ்ரேயாஸ் அய்யர் தலைமையிலான கொல்கத்தா நைட்ரைடர்ஸ் அணிகள் மோதுகின்றன.

ஐதராபாத் அணி தொடக்க ஆட்டத்தில் ராஜஸ்தானிடம் 61 ஓட்டத்தை வித்தியாசத்திலும், 2-வது போட்டியில் லக்னோவிடம் 12 ஓட்டத்தை வித்தியாசத்திலும் தோற்றது. அதை தொடர்ந்து சென்னை அணியை 8 மட்டையிலக்கு வித்தியாசத்திலும், குஜராத் அணியை 8 மட்டையிலக்கு வித்தியாசத்திலும் வீழ்த்தி இருந்தது.

2 வெற்றி, 2 தோல்வியுடன் 4 புள்ளிகள் பெற்றுள்ளது. ஐதராபாத் அணி கொல்கத்தாவை வீழ்த்தி ‘ஹாட்ரிக்’ வெற்றி பெறும் ஆர்வத்தில் உள்ளது.

ஐதராபாத் அணியில் கேப்டன் வில்லியம்சன், அபிஷேக் வர்மா, நிகோலஸ் பூரன், மார்க்கிராம், புவனேஷ்வர்குமார், நடராஜன் போன்ற சிறந்த வீரர்கள் உள்ளனர்.

கொல்கத்தா அணி 3 வெற்றி, 2 தோல்வியுடன் 6 புள்ளிகள் பெற்று 2-வது இடத்தில் இருக்கிறது.

அந்த அணி சென்னை (6 மட்டையிலக்கு), பஞ்சாப் (6 மட்டையிலக்கு), மும்பை (5 மட்டையிலக்கு) ஆகியவற்றை வீழ்த்தி இருந்தது. பெங்களூர் (3 மட்டையிலக்கு), டெல்லி (44ரன்) அணிகளிடம் தோற்று இருந்தது. ஐதராபாத்தை வீழ்த்தி கொல்கத்தா 4-வது வெற்றியை பெறுமா? என்று எதிர்பார்க்கப்படுகிறது.

கொல்கத்தா அணியில் கேப்டன் ஸ்ரேயர்ஸ் அய்யர், வெங்கடேஷ் அய்யர், ரஸ்சல், கம்மின்ஸ் போன்ற சிறந்த வீரர்கள் உள்ளனர்.

இரு அணிகளும் இதுவரை 21 முறை மோதியுள்ளன. இதில் கொல்கத்தா 14-ல், ஐதராபாத் 7-ல் வெற்றி பெற்றுள்ளன.

[embedded content]