Press "Enter" to skip to content

இந்தி நடிகர் அர்ஜூன் கபூருக்கு மாநகராட்சி நோட்டீசு

இந்தியில் வெளியான இஸ்க்ஜாடே, அவுரங்கசீப், குண்டே, 2 ஸ்டேட்ஸ், ஹீ அண்டு ஹா உள்ளிட்ட படங்களில் நடித்தவர் அர்ஜூன் கபூர். இவர் ஜூகுவில் உள்ள பங்களா வீட்டில் வசித்து வருகிறார்.

நடிகர் அர்ஜூன் கபூர் தனது பங்களா வீட்டில் மாநகராட்சியின் அனுமதியின்றி சட்டவிரோதமாக கட்டுமான பணிகளை மேற்கொண்டு வீட்டில் மாற்றங்கள் செய்து உள்ளார்.

இதுபற்றி மாநகராட்சிக்கு புகார் வந்ததை அடுத்து கடந்த மார்ச் மாதமே இது தொடர்பாக அவரிடம் விளக்கம் கேட்டு மாநகராட்சி தரப்பில் நோட்டீசு அனுப்பப்பட்டு இருந்தது. ஆனால் இதுவரையிலும் நடிகர் அர்ஜூன் கபூர் மாநகராட்சிக்கு எந்த விளக்கமும் அளிக்கவில்லை.

இதையடுத்து அர்ஜூன் கபூர் வீட்டில் சட்டவிரோதமாக கட்டப்பட்ட கட்டுமானங்களை இடித்து தள்ள மாநகராட்சி நடவடிக்கை மேற்கொண்டுள்ளது.

இது தொடர்பாக மீண்டும் அர்ஜூன் கபூருக்கு மாநகராட்சி நோட்டீசு அனுப்பி இருக்கிறது. அதில் உங்களது வீட்டில் (அர்ஜூன் கபூர்) சட்டவிரோதமாக கட்டப்பட்ட கட்டுமானத்தை இடிப்பதற்கு மாநகராட்சி ஊழியர்களை வீட்டிற்குள் அனுமதிக்க வேண்டும் என்று தெரிவிக்கப்பட்டு உள்ளது.

அவரது வீட்டில் கண்டறியப்பட்டுள்ள சட்டவிரோதமாக கட்டுமானம் ஒரு வாரத்தில் இடித்து தள்ளப்பட உள்ளதாக மாநகராட்சி அதிகாரிகள் தெரிவித்து உள்ளனர்.

Source: Maalaimalar

Mission News Theme by Compete Themes.