Press "Enter" to skip to content

சீதக்காதி படக்குழுவினரின் முக்கிய அறிவிப்பு

பாலாஜி தரணிதரன் இயக்கத்தில் விஜய் சேதுபதி நடிப்பில் உருவாகி இருக்கும் ‘சீதக்காதி’ படக்குழுவினரின் முக்கிய அறிவிப்பு வெளியாகி இருக்கிறது. #Seethakaathi

விஜய் சேதுபதி நடிப்பில் தற்போது `96′, `சூப்பர் டீலக்ஸ்’, `ஜூங்கா’, `சீதக்காதி’, `செக்கச் சிவந்த வானம்’ உள்ளிட்ட படங்களில் நடித்து வருகிறார். இதில் 96 படத்தின் டிசர் நேற்று வெளியானது. இது ரசிகர்களிடையே நல்ல வரவேற்பு பெற்று வருகிறது.

இதையடுத்து விஜய் சேதுபதியின் 25-வது படமாக ‘சீதக்காதி’ உருவாகி வருகிறது. இந்த படத்தை `நடுவுல கொஞ்சம் பக்கத்த காணோம்’ படத்தை இயக்கிய இயக்குனர் பாலாஜி தரணிதரன் இயக்கி வருகிறார். சமீபத்தில் விஜய் சேதுபதி பிறந்தநாளை முன்னிட்டு ‘சீதக்காதி’ படத்தின் பர்ஸ்ட் லுக் போஸ்டர் வெளியிட்டார்கள்.

தற்போது இப்படக்குழுவினர், ‘சீதக்காதி’ படத்தின் மேக்கிங் டீசரை ஜூலை 15ம் தேதி சூப்பர் சிங்கர் இறுதிப் போட்டியில் வெளியிட இருப்பதாக அறிவித்திருக்கிறார்கள். 

பேஷன் ஸ்டூடியோஸ் தயாரிக்கும் இந்த படத்தில் பார்வதி மேனன், காயத்ரி முக்கிய கதாபாத்திரத்தில் நடித்திருக்கின்றனர். கோவிந்த் மேனன் இசையமைத்திருக்கிறார்.

Source: Malai Malar

Mission News Theme by Compete Themes.