Press "Enter" to skip to content

Petta vs Viswasam Collection:தல-யின் விஸ்வாசம், சூப்பர்ஸ்டாரின் பேட்ட; வசூலில் எது வெல்லும்?

Highlights

  • விஸ்வாசம், பேட்ட ஆகிய இரு படங்களுமே முதல் நாளில் குறைவாகவே வசூல் செய்துள்ளன
  • அடுத்தடுத்த நாட்களில் கூட்டம் வருமா என திரைப்பட வர்த்தக நிபுணர்கள் ஆராய்கின்றனர்
விஸ்வாசம், பேட்ட ஆகிய இரு படங்களுமே அஜித், ரஜினி ஆகியோரது முந்தைய படங்களின் சாதனையை ஒப்பிடும்போது முதல் நாளில் குறைவாகவே வசூல் செய்துள்ளன. அடுத்தடுத்த நாட்களில் கூட்டம் வருமா என திரைப்பட வர்த்தக நிபுணர்கள் ஆராய்கின்றனர்.

கார்த்திக் சுப்பாராஜ் இயக்கத்தில் ரஜினி நடிப்பில் நேற்று வெளியான பேட்ட படம் தமிழகத்தில் பல திரை அரங்குகளில் வெற்றிகரமாக ஓடிக்கொண்டிருக்கிறது.

ரஜினி ரசிகர்கள் படத்தை கொண்டாடி வருகின்றனர். பழைய கதையாக இருந்தாலும் இதில் ரஜினி தனக்கே உரித்தான உடல் மொழி, நகைச்சுவை, ஆக்‌ஷன் என பின்னி எடுத்திருப்பதால் ரசிகர்கள் மகிழ்ச்சி அடைந்துள்ளனர்.

சென்னையில் மட்டும் முதல்நாளில் 170 ஷோக்கள் ஓடின. அனைத்து திரை அரங்குகளிலும் கிட்டத்தட்ட ஹவுஸ் புல்தான். இதில் 1 கோடி வசூலை எட்டிள்ளது பேட்ட. தமிழகம் முழுவதும் 16 கோடி வசூலை எட்டியுள்ளது. இது ரஜினியின் 2.0, கபாலி ஆகியவற்றின் முதல்நாள் வசூலைவிட குறைவுதான்.

தல அஜித் நடிப்பில் வெளியான விஸ்வாசம் படம் தமிழகம் முழுவதும் முதல் நாளில் குறைவான வசூலை கொடுத்துள்ளது. முன்னதாக அஜித் நடிப்பில் வெளியான விவேகம் முதல் நாளில் ரூ.17.20 கோடி வசூலித்து இருந்தது என்பது குறிப்பிடத்தக்கது. ஆனால் விஸ்வாசம் படம் முதல் நாளில் ரூ.17 கோடி வசூலித்துள்ளது.

மற்ற மாநிலங்களில் ரூ.5 கோடி குவித்துள்ளது. வாக்கு மொத்தமாக ரூ. 22 கோடி வசூல் குவித்து விவேகம் சாதனையை முறியடிக்க தவறிவிட்டது. இதற்கு முன்னதாக அஜித் நடிப்பில் வந்த விவேகம் தமிழகம் முழுவதும் 800 திரையரங்குகளில் வெளியாகி முதல் நாளில் தமிழக வசூலில் மட்டும் ரூ.17.20 கோடி குவித்தது.

ஆனால் முதல்நாள் வசூலை மட்டும் வைத்து, படம் வணிக ரீதியில் தோல்வியடையும் என்ற முடிவுக்கு வந்துவிட முடியாது. பொதுவாகவே மாஸ் கதாநாயகன்க்களின் படங்களுக்கு முதல் மூன்று நாட்கள் ரசிகர்கள் கூட்டம் இருக்கும். பின்னர் படம் நன்றாக இருந்தால் குடும்ப ஆடியன்ஸ் வரத்துவங்குவர். மேற்கண்ட இரண்டு படங்களுமே குடும்ப உறுப்பினர்களைக் கவர்ந்திருப்பதால் பொங்கல் விடுமுறையில் குடும்பங்கள் கூட்டம் கூட்டமாக திரை அரங்குக்கு வரவும் வாய்ப்புள்ளது. பொறுத்திருந்து பார்ப்போம்.

Source: samayam

More from திரையுலகம்More posts in திரையுலகம் »
Mission News Theme by Compete Themes.