Go to ...
RSS Feed

SA Chandrasekhar: மக்களவைத் தேர்தலில் விஜய்யின் ஆதரவு யாருக்கு? எஸ்.ஏ.சந்திரசேகர் பேட்டி!


Highlights

  • மக்களவைத் தேர்தலில் விஜய்யின் ஆதரவு யாருக்கு என எஸ்.ஏ சந்திரசேகர் தெரிவித்துள்ளார்.
  • திரைப்படத்தை அரசால் தான் காப்பாற்ற முடியும் என சந்திரசேகர் தெரிவித்துள்ளார்.
வரும் மக்களவைத் தேர்தலில் நடிகர் விஜய்யின் ஆதரவு யாருக்கு என்ற கேள்விக்கு அவரின் தந்தை எஸ்.ஏ சந்திரசேகர் பதிலளித்துள்ளார்.

நெல்லை மாவட்டம் வடக்கன் குளத்தில் எஸ்.ஏ சந்திரசேகர் செய்தியாளர்களுக்கு கொடுத்த பேட்டியில், “பிரதமராக இருக்கும் மோடி மீண்டும் ஆட்சியை பிடிக்கக் கூடாது என தமிழர்களின் முடிவு. அதில் அவர்கள் மிக தெளிவாக உள்ளனர்.

image

vijay-sa-chandrasekhar

நான் கடந்த 40 வருடங்களாக திரைப்படத்தில் உள்ளேன். முன்பு திரைப்படத்தில் நாணயம் இருந்தது. தற்போது தமிழ்ராக்கர் படங்களை போட்டி போட்டு இணையதளங்களில் வெளியிடுவதால் திரைப்பட அழிந்து வருகின்றது.

திரைப்படத்தை காப்பாற்ற வேண்டுமானால் அது அரசால் மட்டும் தான் முடியும். தற்போது அந்த அரசை தேர்ந்தெடுக்க வேண்டிய நேரம் வந்துவிட்டது. முன்பு திரைப்படத்தை நேசித்து செய்து வந்தனர். காதலித்து செய்யக்கூடிய பணி. ஆனால் தற்போது திரைப்படத்தில் வியாபாரிகள் வந்துவிட்டனர்.

மக்களவை தேர்தலில் விஜய் யாருக்கு ஆதரவு தருவார் என்ற கேள்விக்கு, அது அவரிடம் தான் கேட்க வேண்டும். நான் என் மகன் விஜய்யை டாக்டராக்க நினைத்தேன். ஆனால் அவர் ஆக்டராகி விட்டார். ” என எஸ்.ஏ சந்திரசேகர் தெரிவித்துள்ளார்.

Source: samayam

Tags: ,