Press "Enter" to skip to content

சொந்த நிலத்தில் ரஜினியின் அப்பா, அம்மாவுக்கு மணி மண்டபம் கட்டிய திருச்சி மாவட்ட நிர்வாகி!

சொந்த நிலத்தில் ரஜினியின் அப்பா, அம்மாவுக்கு மணி மண்டபம் கட்டிய திருச்சி மாவட்ட…
தனது சொந்த நிலத்தில் ரஜினிகாந்தின் அப்பா, அம்மாவுக்கு என்று திருச்சி ரஜினி மக்கள் மன்ற நிர்வாகி தனியாக மணிமண்டபம் கட்டி அசத்தியுள்ளார்.

பெரும்பாலும், ரசிகர்கள் நடிகர்கள், நடிகைகளுக்காக என்ன வேண்டுமென்றாலும் செய்வார்கள் என்பது அனைவரும் அறிந்த ஒன்று. இதுவே தமிழ் திரைப்படத்தின் ஜாம்பவான் என்றால், சொல்லவே வேண்டாம். அந்தளவிற்கு வெறியாக இருப்பார்கள். இந்த நிலையில், ரஜினிகாந்தின் தீவிர ரசிகரான திருச்சி மாவட்ட ரஜினி மக்கள் மன்றத்தின் நிர்வாகி ஸ்டாலின் புஷ்பராஜ் ரஜினியின் பெற்றோருக்கு மணிமண்டபம் கட்டியுள்ளார்.

திருச்சி மாவட்ட ரஜினி மக்கள் மன்றத்தின் நிர்வாகியாக இருப்பவர் ஸ்டாலின் புஷ்பராஜ் (50). இவர், திருச்சி குமாரமங்கலம் பைபாஸ் சாலை அருகில் தனக்குச் சொந்தமான சுமார் 1,850 சதுர அடி இடத்தில் நடிகர் ரஜினியின் பெற்றோர் ராமோஜிராவ் – ராம்பாய் ஆகியோருக்கு மணிமண்டபம் கட்டியுள்ளார். வரும் 25ம் தேதி இந்த மண்டபத்தை ரஜினியின் சார்பில் அவரது சகோதரர் சத்யநாராயண ராவ் திறந்து வைக்கிறார்.

இது குறித்து ரஜினி மக்கள் மன்றத்தில் திருச்சி மாவட்ட துணைச் செயலாளர் ராஜூ கூறுகையில், மணிமண்டபம் கட்டுவது குறித்து அறிந்த ரஜினிகாந்த் மிகுந்த மகிழ்ச்சி அடைந்தார். கட்டப்பட்டுள்ள மணிமண்டபத்தில் ரஜினியின் பெற்றோரது மார்பளச் சிலை திறக்கப்படும். இந்த மணிமண்டபத்திற்கு திருச்சி மாவட்ட ரஜினி மக்கள் மன்றம் சார்பில் திறப்பு விழா நடக்கிறது. இதற்கான ஏற்பாடுகள் தீவிரமாக நடந்து வருகிறது.

Source: samayam