Press "Enter" to skip to content

தொடர்ந்து குறைந்து கொண்டே வரும் வசூல்: பரிதாபத்தில் மிஸ்டர் லோக்கல்?

தொடர்ந்து குறைந்து கொண்டே வரும் வசூல்: பரிதாபத்தில் மிஸ்டர் லோக்கல்?
சிவகார்த்திகேயன் மற்றும் நயன் தாரா ஆகியோரது நடிப்பில் வந்த மிஸ்டர் லோக்கல் படத்தின் வசூல் ஒவ்வொரு நாளும் குறைந்து கொண்டே வருகிறது என்று தகவல் தெரிவிக்கின்றது.

தமிழில் முன்னணி நடிகர்களில் ஒருவராக இருப்பவர் சிவகார்த்திகேயன். இளவரசர் என்று ரசிகர்களால் அழைக்கப்படுகிறார். வருடத்திற்கு 3 படங்களில் நடித்து வந்த இவர், இப்பொழுது எல்லாம் ஓரிரு படங்களில் மட்டும் நடித்து அதனை வெளியிட்டு வருகிறார். ஆனால், அந்தப் படங்கள் பெரும்பாலும் தோல்வியில் முடிந்து விடுகிறது. நயன் தாராவுடன் இணைந்து வேலைக்காரன் படத்தில் நடித்த சிவகார்த்திகேயனுக்கு இந்தப் படத்தில் கதை கச்சிதமாக அமைந்ததைத் தொடர்ந்து இப்படம் ஹிட் கொடுத்தது.

இதையடுத்து கிராமத்து கதையை மையப்படுத்திய சீமராஜா படத்தில் சமந்தா உடன் இணைந்து நடித்தார். ஆனால், இப்படம் அவருக்கு கை கொடுக்கவில்லை. ஆனால், இப்படம் சிம்ரனுக்கு மார்க்கெட்டை உயர்த்திக் கொடுத்தது. அதே போன்று, வேலைக்காரன் படம் சினேகாவிற்கு நல்ல கதாபாத்திரத்தை கொடுத்தது. எனினும், தனது ஒரு சில காட்சிகள் வரவில்லை என்று சினேகா குறிப்பிட்டிருந்தார்.

#MrLocal Chennai Box-office – Day 1 – 68 lakhs – Day 2 – 62 lakhs – Day 3 – 64 lakhs – Day 4 – 29 lakhs – Day 5… https://t.co/TyLZyA6qsi

— Cinebab (@Cinebab)

1558499593000

இந்த நிலையில், மறுபடியும் நயன்தாராவுடன் இணைந்து மிஸ்டர் லோக்கல் படத்தில் சிவகார்த்திகேயன் நடித்திருந்தார். பொதுவாக, மிடில் கிளாஸ் பையன்கள், தங்களை விட அந்தஸ்தில் உயரத்தில் இருக்கும் பெண்களை காதலிப்பதை வாடிக்கையாக கொண்டிருப்பார்கள். அதே கோணஹ்தில் தான் இந்தப் படமும் வந்துள்ளது. கொஞ்சம் மாறுபட்ட திரைக்கதையில், படம் வெளியாகி ரசிகர்களிடையே கலவையான விமர்சனத்தைப் பெற்றுள்ளது என்பது குறிப்பிடத்தக்கது. அதோடு, வசூல் ரீதியாகவும் பாதிப்படைந்துள்ளது.

#MrLocal Tuesday Chennai city gross is 26 lakhs, Monday was 29 lakhs. Fairly steady.. 5-days Chennai total is 2.49… https://t.co/bA4IqSSD2Q

— Kaushik LM (@LMKMovieManiac)

1558498235000

மிஸ்டர் லோக்கல் முதல் நாளில் சென்னையில் ரூ.68 லட்சம், 2ம் நாளில் ரூ.62 லட்சம், 3ம் நாளில் ரூ.64 லட்சம், 4ம் நாளில் ரூ.29 லட்சம் மற்றும் 5ம் நாளில் ரூ.26 லட்சம் என்று வசூல் குவித்துள்ளது. 5 நாட்கள் முடிவில் மொத்தம் ரூ.2.49 கோடி வரையில் வசூல் கொடுத்துள்ளது என்பது குறிப்பிடத்தக்கது.

இப்படத்திற்கு போட்டியாக எஸ்.ஜே.சூரியா மற்றும் ப்ரியா பவானி சங்கர் நடிப்பில் வந்த மான்ஸ்டர் படம் 5ஆவது நாட்கள் முடிவில் சென்னையில் 9 லட்சம் வரையில் வசூல் குவித்துள்ளது. தமிழகம் முழுவதும் 5 ஆவது நாளில் 58 லட்சம் வரையிலும், உலகம் முழுவதும் வெளியான இப்படம் 5ஆவது நாளில் ரூ.70 லட்சம் வரையிலும், வாக்கு மொத்தமாக உலகம் முழுவதும் 5 நாட்கள் முடிவில் ரூ.7 கோடி வரையில் வசூல் குவித்துள்ளது என்று தகவல் தெரிவிக்கின்றது என்பது குறிப்பிடத்தக்கது.

Source: samayam