Press "Enter" to skip to content

அமீர்கானுடன் விஜய் சேதுபதி ரகளையான காம்பினேஷன் !!

அமீர்கானுடன் விஜய் சேதுபதி ரகளையான காம்பினேஷன் !!
“பிசா”, “நடுவுல கொஞ்சம் பக்கத்த காணோம்”, “சூது கவ்வும்” “சேதுபதி”, “நானும் ரௌடிதான்”, “விக்ரம் வேதா” என்று மாபெரும் வெற்றிப் படங்களில் நடித்து தமிழக மக்களிடம் பெரும் ஆதரவைப் பெற்றார் விஜய் சேதுபதி. இவர் தன்னுடைய நேர்த்தியான பேச்சுத் திறனாலும் ரசிகர்களிடம் காட்டும் அன்பினாலும் அவருடைய புகழ் நாளுக்கு நாள் ஏறிக்கொண்டே சென்றது. தற்பொழுது மணிகண்டன் இயக்கத்தில் “கடைசி விவசாயி” மற்றும் விஜய் சந்தர் இயக்கத்தில் “சங்கத் தமிழன்” என்ற இரண்டு படத்திலும் நடித்துக் கொண்டிருக்கிறார்.

விஜய் சேதுபதி

Also Read : 13 வருடங்களுக்கு பிறகு ஜாம்பவான் படத்தில் விஜயசாந்தி!

இந்திய மொழித் திரைப்படங்கள் பங்குபெறும் மெல்போர்ன் இந்திய திரைப்பட விழா இந்த மாதம் 8ஆம் தேதியிலிருந்து 15ஆம் தேதி வரை நடைபெற்று வருகிறது. இதில் இந்தியா முழுவதும் 22 மொழிகளில் இருந்து 60க்கும் மேற்பட்ட திரைப்படங்கள் பங்கு பெற்றுள்ளன. இதில் சிறந்த படமாக விஜய் சேதுபதி நடித்த சூப்பர் டீலக்ஸ் படமும், சிறந்த நடிகருக்கான விருது நடிகர் விஜய் சேதுபதிக்கும், சிறந்த இயக்குநருக்கான விருது, இயக்குநர் தியாகராஜன் குமாரராஜாவுக்கும் கிடைத்துள்ளது.

மெல்ஃபோர்ன் ஃபெஸ்டிவல்

பாலிவுட் ஜாம்பவான் ஷாருக்கான், “சூப்பர் டீலக்ஸ்” படத்தில் நடித்த விஜய் சேதுபதியை ஒரேயடியாக புகழ்ந்து பேசியிருந்தார். இப்படி பட்ட ஒரு கலைஞனுடன் சேர்ந்து வேலை பார்க்க ஆசையாக உள்ளது என்றும் தெரிவித்துள்ளார். இதனைத்தொடர்ந்து பிரபல செய்தி நிறுவனத்திற்கு பேட்டிகொடுத்த விஜய்சேதுபதி, நான் நடிகர் ஷாரூக்கான் மற்றும் அமிதாப் பச்சனின் மிகத்தீவிரமான ரசிகன். இருவரும் நடித்த நிறைய படங்களை நான் பார்த்திருக்கிறேன் என்று தெரிவித்திருந்தார்.

ஆமிர்கான்

அதைத்தொடர்ந்து “நான் நடித்துக் கொண்டிருக்கும் “சங்கத் தமிழன்” படப்பிடிப்பின் போது அங்கு பாலிவுட் நடிகர் அமீர் கான் வந்திருந்தார். இருவரும் மனம் விட்டு நீண்ட நேரம் பேசினோம். விரைவில் இருவரும் இணைந்து ஒரு படத்தில் நடிக்கப் போகிறோம். மீதி விவரம் கூடியவிரைவில் தெரியப்படுத்துவோம்.” என்று கூறியுள்ளார்.

Also Read : ஃபாக்ஸ் ஆபிஸில் நம்பர் 1 இடத்தில் தல அஜித்தின் நேர்கொண்ட பார்வை!

இதனிடையில் அமீர்கான் விஜய் சேதுபதி நடிப்பில் வெற்றி பெற்ற விகரம் வேதா ஹிந்திப் படத்தில் விஜய் சேதுபதி வேடத்தை ஏற்று நடிக்க உள்ளார். இவர்கள் இருவரும் இணையும் புதுப்படம் மறுதயாரிப்புகா அல்லது நேரடி கதை கொண்ட புதிய படமா என்பது தெரியவில்லை. ஆனால் இருவரும் இணைந்து நடிப்பது உறுதியாகியுள்ளதால் ரசிகர்கள் இதனை கொண்டாடி வருகிறார்கள்.

Source: samayam