Press "Enter" to skip to content

கமல் ஹாசன், ஸ்ரீதேவி, சிம்ரனை பிடிக்கும்: 100% காதல் பட நடிகை ஷாலினி பாண்டே!

கமல் ஹாசன், ஸ்ரீதேவி, சிம்ரனை பிடிக்கும்: 100% காதல் பட நடிகை ஷாலினி பாண்டே!
அர்ஜூன் ரெட்டி படத்தின் மூலம் இந்தியாவே திரும்பி பார்க்க வைத்த பெண், யாரது என்கிற கேள்வி எல்லோரது மனதிலும் எழுந்தது. சற்றே குண்டான உருவத்தில் அத்தனை காதலை தேக்கிய கண்களுடன் அர்ஜூனை அழ வைத்த கதாநாயகி. இப்போது உடல் இளைத்து மெருக்கேறி மேலும் அழகாகி இருக்கிறார். தமிழ் திரைப்படத்தில் கொரில்லா படம் மூலம் ஏற்கனவே தெரிந்த முகமாகிவிட்டார். இப்போது ஜீவியுடன் இணைந்து 100 % காதல் படத்தில் நடித்துள்ளார். இது குறித்து அவரிடம் பேசியதில் இருந்து…..

கேள்வி: 100 % காதல் அனுபவம் எப்படி இருந்தது?

பதில்: முற்றிலும் புதுமையாக இருந்தது. ஸ்கூலில் இருந்து கல்லூரி போய் பட்டம் வாங்குவது போல் இருந்தது. பெரிய நட்சத்திர பட்டாளம் எல்லோரும் பெரிய நடிகர்கள், பெரிய டீம், அப்புறம் ஜீவி, நிறைய குழந்தைகள் பட்டாளம் ஒரு அற்புதமான அனுபவமாக இருந்தது.

Also Read:
Prashanth Next Movie: சித்தார்த்தும் இல்லை, தனுஷும் இல்லை, தட்டிச்சென்ற பிரசாந்த் !!

கேள்வி: தெலுங்குப்படம் பார்திருக்கிறீர்களா? தமன்னாவை பிடித்ததா?

பதில்: தெலுங்கு படம் ஒரே ஒரு முறை பார்த்தேன். தமன்னா அட்டாகாசமாக அந்த கதாபாத்திரத்தை செய்திருந்தார். எனக்கு அந்த கதாபாத்திரம் உருவாக்கப்பட்ட விதமே மிகவும் பிடித்திருந்தது. சுகுமார் சார் அந்த கதாபாத்திரத்தை அத்தனை இழைத்து இழைத்து உருவாக்கியிருந்தார். யார் பார்த்தாலும் அந்தக் கதாபாத்திரம் செய்ய ஆசைப்படுவார்கள். நானும் அப்படித்தான் செய்ய ஆசைப்பட்டேன்.

கேள்வி: தமிழில் உங்களுக்கு சவாலாக இருந்த விசயம் என்ன?

பதில்: மொழி தான் எப்போதும் மிக சவாலான விசயம். அர்ஜூன் ரெட்டி செய்தபோது தெலுங்கு எனக்கு ஏலியன் மொழி போல் இருந்தது. அதே தான் தமிழிலும் எனக்கு சுத்தமாக எதுவும் புரியாது. மொழியை கடந்து நடிப்பது மிகுந்த சவால் வாய்ந்தது. ஆனால் என்னைச் சுற்றி அருமையான டீம் இருந்தார்கள். அவர்கள் என்னை பாதுகாப்பாக பார்த்துக் கொண்டார்கள். ஒவ்வொன்றையும் அழகாக சொல்லித் தந்தார்கள்.

Also Read:
Comali: கோமாளிக்கு இப்படியொரு வரவேற்பா? ஹாட்ரிக் வெற்றியை கொண்டாடிய ஜெயம் ரவி!

கேள்வி: அர்ஜூன் ரெட்டியின் வரவேற்பு தமிழில் வந்தபோது எப்படி இருந்தது?

பதில்: நான் இத்தனை வரவேற்பை எதிர்பார்க்கவே இல்லை. எல்லோரும் பாராட்டினார்கள். தமிழில் ஒரு படம் கூட ரிலீஸாகாத சமயத்தில் எங்கு போனாலும் அடையாளம் கண்டு கொண்டார்கள். அவர்களின் அன்பு திக்கு முக்காட வைத்தது. பிரமிப்பானது. ரொம்பவும் நன்றி.

கேள்வி: ஜீ வி பிரகாஷ் பற்றி?

பதில்: ஜீ வி ஒரு அருமையான நண்பர், அதை விட நல்ல மனிதர். நாங்கள் நடிக்க ஆரமிபித்த பிறகு நெருக்கமான நண்பர்களாக மாறிவிட்டோம். இந்தப்படம் ஜீவியுடன் நடித்தது எப்பொழுதும் மறக்க முடியாத நினைவாக இருக்கும்.

கேள்வி: சென்னை பிடித்திருக்கிறதா?

பதில்: சென்னையை இன்னும் நான் அதிகம் சுற்றிப்பார்க்கவில்லை. ஆனால் கண்டிப்பாக நிறைய இடங்கள் சுற்றிப்பார்க்கும் பிளான் இருக்கிறது. இங்கே எல்லா உணவுகளையும் சாப்பிட்டு பார்க்க வேண்டும். தென்னிந்திய உணவுகள் எனக்கு ரொம்பப் பிடிக்கும்.

Also Read:
பூணூல், இந்து கடவுள் அருகில் சிலுவை: மாதவனை வச்சு செஞ்ச இணையப் பயனாளர்கள்!

கேள்வி: தமிழில் உங்களுக்கு பிடித்த நடிகர்?

பதில்: என் வாழ்க்கையில் முதன் முதலில் பார்த்த படம் கமல்ஹாசன் சாருடையது. ஐ லவ் ஹிம். அவர் திரைப்படத்தில் படைத்திருக்கும் சாதனைகள் நினைத்துப் பார்க்க முடியாதது. என் பெற்றோருக்கு அவரை ரொம்பவும் பிடிக்கும். எனக்கும் அவரை ரொம்ப ரொம்ப பிடிக்கும்.

கேள்வி: உங்களுக்கு பிடித்த நாயகிகள்?

பதில்: ஶ்ரீதேவி தென்னிந்தியாவில் இருந்து வந்தவர். ஆல் டைம் ஃபேவரைட். சிமரன் மேம் பிடிக்கும். ஐ லவ் சாய் பல்லவி. அவரது பார்வை அவரது பாவனைகள் நான் அவருக்கு ஃபேன். இவங்க தான் எனக்கு பிடித்தவர்கள்.

கேள்வி: ரசிகர்களுக்கு படம் பற்றி?

பதில்: 100 % காதல் ஒரு அருமையான குடும்பப் படம். நீங்கள் யாருடனும் இப்படத்திற்கு செல்லலாம். குழந்தைகளுக்கு ரொம்பவும் பிடிக்கும். எல்லோருக்கும் பிடிக்கும்படி இருக்கும் அனைவரும் பாருங்கள் திரையரங்கத்தில் மட்டும் பாருங்க தயவு செய்து என்று முடித்தார்.

Source: samayam

Mission News Theme by Compete Themes.