Press "Enter" to skip to content

யோகிபாபு படத்தில் ஜோடியா சுனைனா ?

யோகிபாபு படத்தில் ஜோடியா சுனைனா ?
புதுமுக இயக்குநர் டென்னிஸ் இயக்கப் போற சயின்ஸ்பிக்‌ஷன், டார்க், நகைச்சுவைப் படமான ‘ட்ரிப்‘ படம் பற்றி ஏற்கனவே தகவல் வெளியாகிருந்தது. யோகி பாபு , கருணாகரன் இணைஞ்சு நடிக்கிற இந்தப்படத்துல இப்போ இளம் நாயகி சுனைனா இணைஞ்ச்சிருக்காங்க. ஆனா அவங்க யோகி பாபுவுக்கு ஜோடி கிடையாதாம் கதைநாயகனாக அறிமுகமாகும் பிரவீனுக்கு நாயகியாக நடிக்க இருக்காங்க. புதுமுகம் பிரவீன் சமீபத்தில் அதர்வா நடிப்பில் வெளியான 100 படத்தில் ஒரு முக்கிய கதாப்பாத்திரத்தில் நடிச்சு தன் திறமையான நடிப்பால் அனைவரையும் கவர்ந்தவர் தான். தற்போது கதை நாயகனாக இந்தப்படத்தின் மூலமா அறிமுகமாகிறார்.

இந்தப் படத்தில சுனைனா நடிக்கிறது பத்தி இயக்குநர் டென்னிஸ் கூறியது…

சுனைனா வின் கதாப்பாத்திரம் மிகவும் சவால் வாய்ந்த ஒன்று. இப்படத்தில் அவருக்கு உணர்ச்சிமிகுந்த பல சவலான தருணங்கள் உள்ளன. இந்தக் கதாப்பாத்திரத்தில் முன்னணி ஹிரோயின்கள் நடித்தால் நன்றாக இருக்கும் என்று பலரை அணுகினோம். ஆனால் யாரும் ஒரு அறிமுக ஹிரோவுடன் ஜோடி சேர விரும்பவில்லை. ஆனால் சுனைனா கதையை கேட்டவுடன் கதையின் மையத்தை உணர்ந்து உடனடியாக நடிக்க ஒப்புக்கொண்டார். இப்படம் அவரின் திரைப்படம் வாழ்வில் முக்கியமானதாக இருக்கும் என்கிற நம்பிக்கை எனக்கு வலுவாக இருக்கிறது என்றார்.

இந்தப் படத்தில நடிக்கிறது பத்தி பற்றி நடிகை சுனைனா கூறியது…

இப்படத்தில் முதலில் என்னைக் கவர்ந்தது படத்தின் திரைக்கதை, அதை இயக்குநர் டென்னிஸ் சொல்லிய விதம் படத்திற்குள் பயணம் செய்தது போலவே இருந்தது. அவர் சொல்லிய அந்தப் பயணத்தில் இப்படத்தில் என் கதாப்பாத்திரத்தின் முக்கியத்துவத்தையும் மற்ற கதாப்பத்திரங்களை பற்றியும் தெரிந்து கொண்டேன். கதையின் பயணம் மிகவும் அற்புதமானதாக இருந்தது.

அறிமுக நாயகனுடன் நடிப்பது பற்றி அவர் கூறியது…

அனுபவம் வாய்ந்த நடிகர் புதிய நடிகர் என்பதெல்லாம் திரைப்படத்தில் முக்கியமில்லை. அவர்களுக்கு கொடுக்கப்பட்ட கதாபாத்திரத்தை அவர்கள் எவ்வாறு கையாள்கிறார்கள் என்பதும் அதை அவர்கள் வெளிப்படுத்தும் விதமும் தான் முக்கியம். படத்திற்காக நடந்த ரிகர்சலில் பிரவீன் தன் தனித்தன்மை வாய்ந்த சிறந்த நடிப்பை தந்தார். அவர் இப்படத்திற்கு மிகச் சிறந்த தேர்வாக தன்னை நிரூபிப்பார் என்றார்.

தயாரிப்பாளர் A விஸ்வநாதன் Sai Films Studios சார்பில் தயாரிக்கும் இப்படம் நேற்று செப்டம்பர் 11 பூஜையுடன் துவங்கியிருக்கு.

ட்ரிப் பூஜை

இப்படத்தின் படப்பிடிப்பு செப்டம்பர் 16ல் தலக்கோணம் காட்டுப்பகுதியில் துவங்குகிறது. அங்கு தொடர்ச்சியாக 38 நாட்களும் மேலும் கொடைக்கானலில் 2 நாட்கள் என ஒரே கட்டமாக படப்பிடிப்பை முடிக்க படக்குழு திட்டமிட்டுள்ளது.

இப்படத்தை சாம் ஆண்டனியிடம் உதவியாளராக இருந்த இயக்குநர் டென்னிஸ் மஞ்சுநாத் எழுதி இயக்குகிறார். சிவப்பு, மஞ்சள், பச்சை படம் மூலம் புகழ் பெற்ற இசையமைப்பாளர் சித்து குமார் இப்படத்திற்கு இசையமைக்கிறார். உதய சங்கர் ஒளிப்பதிவை மேற்கொள்ள தீபக் எடிட்டிங் செய்கிறார்.

இப்படத்தின் கதை ஒரு பயணத்தில் ஏற்படும் எதிர்பாராத குழப்பமான சம்பவங்களை நகைச்சுவை கலந்து சொல்வதாக இருக்கும். தமிழுக்கு புதிதான ஒரு படமாக சயின்ஸ்பிக்‌ஷன், டார்க், நகைச்சுவை கலந்து அனைவரையும் கவரும் வகையில் இப்படம் இருக்கும் என்கிறார் இயக்குநர்.

Source: samayam

Mission News Theme by Compete Themes.