Press "Enter" to skip to content

பிகிலுக்கு முதலில் கறிக்கட்டை இப்போ பூவால் பிரச்சனை: மன்னிப்பு கேட்பாரா விஜய்?

பிகிலுக்கு முதலில் கறிக்கட்டை இப்போ பூவால் பிரச்சனை: மன்னிப்பு கேட்பாரா விஜய்?
பிகில் படத்தின் கதை தன்னுடையது என்று கூறி இயக்குநர் கே.பி. செல்வா என்பவர் சென்னை உயர் நீதிமன்றத்தில் வழக்கு தொடர்ந்துள்ளார்.

இந்நிலையில் பிகில் இசை வெளியீட்டு விழாவில் விஜய் சொன்ன குட்டிக்கதையால் படத்திற்கு பிரச்சனை ஏற்பட்டுள்ளது. பூக்கடையில் வேலை பார்த்தவனை பட்டாசுக் கடையில் சேர்த்தால் அவன் பட்டாசுகள் மீது தண்ணீர் தெளித்துவிடுவான் என்று விஜய் பேசியது பூ தொழிலாளர்களுக்கு பிடிக்கவில்லை.

பிறப்பு துவங்கி இறப்பு வரை வரும் பூவை விற்பனை செய்பவர்களை விஜய் அவமதித்துவிட்டார். பூக்கடை தொழிலாளியை அவன், இவன் என்று தரக்குறைவாக பேசி தங்களின் மனதை விஜய் புண்படுத்திவிட்டதாக பூ தொழிலாளர்கள் தெரிவித்துள்ளனர்.

விஜய்யை வச்சுக்கிட்டு எப்படி முடியும்?: பிகில் ஆர்ட் டைரக்டர்

மேலும் விஜய் பகிரங்கமாக மன்னிப்பு கேட்கவில்லை என்றால் போராட்டம் வெடிக்கும் என்றும் அவர்கள் எச்சரிக்கை விடுத்துள்ளனர். முன்னதாக அந்த குட்டிக்கதை பிரபல பெண் மேடை பேச்சாளர் கூறியது என்று கூறி ஒரு காணொளி வெளியாகி மிகுதியாக பகிரப்பட்டது.

இந்நிலையில் அந்த குட்டிக்கதையால் விஜய்க்கு பிரச்சனை ஏற்பட்டுள்ளது. முன்னதாக பிகில் பட போஸ்டரில் விஜய் கறி வெட்டும் கட்டையில் செருப்புக்காலை வைத்து பாவனை கொடுத்ததை எதிர்த்து கறிக்கடை உரிமையாளர்கள் குரல் கொடுத்தனர்.

நீங்கள் ஏன் விஜய்யை வெறுக்கிறீர்கள்?: தளபதி ரசிகருக்கு எஸ்.ஆர். பிரபு பலே பதில்

இதையடுத்து கறிக்கட்டைகளை வாங்கிக் கொடுத்து அவர்களை விஜய் ரசிகர்கள் சமாதானம் செய்தார்கள். இந்நிலையில் புதுப்பிரச்சனை கிளம்பியுள்ளது. மன்னிப்பு கேட்டு பிரச்சனையை முடித்து வைப்பாரா விஜய் என்கிற எதிர்பார்ப்பு ஏற்பட்டுள்ளது.

பிகில் படம் ரிலீஸை நெருங்கிக் கொண்டிருக்கும் நேரத்தில் ஏதாவது ஒரு பிரச்சனை வந்து கொண்டே இருப்பது ரசிகர்களை கவலை அடைய வைத்துள்ளது.

Source: samayam

More from திரையுலகம்More posts in திரையுலகம் »
Mission News Theme by Compete Themes.