Press "Enter" to skip to content

நகைச்சுவை படம் என்றால் பயப்படுவேன் – விஷால் சந்திரசேகர்

தற்போது பல படங்களுக்கு இசையமைத்து வரும் இசையமைப்பாளர் விஷால் சந்திரசேகர், நகைச்சுவை படம் என்றால் பயப்படுவேன் என்று கூறியிருக்கிறார்.

இனம், அப்புச்சி கிராமம், குற்றம் 23, ஜில் ஜங் ஜக், ஜாக்பாட் உள்பட பல படங்களுக்கு இசை அமைத்தவர், விஷால் சந்திரசேகர். அவர் அளித்த பேட்டியில் கூறியதாவது: ‘எல்லா வகை படங்களுக்கும் இசை அமைத்துள்ள நான், நகைச்சுவை படம் என்றால் மட்டும் பயப்படுவேன். 

காரணம், நகைச்சுவை படங்களுக்கு இசை அமைப்பது அவ்வளவு சுலபமான காரியம் இல்லை. ஒவ்வொரு நகைச்சுவை நடிகருக்கும் தனி அடையாளம் தரக்கூடிய ஒலி உருவாக்க வேண்டும். முழு படத்தையும் ரசிகர்களுக்கு போரடிக்காமல் தரக்கூடிய மிகப் பெரிய பொறுப்பு, இயக்குனருக்கு அடுத்து இசை அமைப்பாளருக்கு இருக்கிறது. 

எனக்கு திரைப்படத்தில் நடிக்க அழைப்பு வருகிறது. முழுநேர நடிகராக மாறும் எண்ணம் தற்போது இல்லை. பரத் நடிக்கும் காளிதாஸ், அஞ்சலியுடன் யோகி பாபு நடிக்கும் படம், வைபவ் நடிக்கும் டாணா உள்பட பல படங்களுக்கு இசை அமைக்கிறேன். என் மனைவி சிந்தூரி ஒரு பாடகி. ஆர்குட் மூலமாக நட்பானோம். சந்தித்த மூன்றாவது நாளே கதலை சொல்லி சம்மதம் வாங்கிவிட்டேன். 2013 இல் திருமணமானது. இசையமைப்பதற்காக வெளிநாடுகள் செல்வதில் எனக்கு உடன்பாடு இல்லை. வீட்டில் தான் எனக்கு இசையமைக்க பிடிக்கும்’. இவ்வாறு அவர் கூறினார்.  

Related Tags :

Source: Malai Malar

Mission News Theme by Compete Themes.