ஆதித்ய வர்மாவை ஏன் பார்க்கணும், எப்படி பார்க்கக் கூடாது?

ஆதித்ய வர்மாவை ஏன் பார்க்கணும், எப்படி பார்க்கக் கூடாது?

Samayam Tamil | Updated:

ஆதித்ய வர்மா படத்தை எப்படி பார்க்கக் கூடாது என்பதை தெரிந்து கொள்வோம்.

த்ருவின் ஆதித்ய வர்மா

image

கிரிசாயா இயக்கத்தில் விக்ரமின் மகன் த்ருவ் கதாநாயகனாக நடித்துள்ள ஆதித்ய வர்மா படம் ஒரு வழியாக இன்று ரிலீஸாகிறது. பட வெளியீடு தள்ளிப் போய் தள்ளிப் போய் இன்று வெளியாவதால் விக்ரம் ரசிகர்கள் மகிழ்ச்சியாக உள்ளனர். அர்ஜுன் ரெட்டி படத்தின் தமிழ் மறுதயாரிப்புகான ஆதித்ய வர்மாவை ஏன் பார்க்க வேண்டும் என்றால் இது த்ருவின் முதல் படம், குட்டி சீயான் எப்படி நடித்திருக்கிறார் என்பதை தெரிந்து கொள்ளும் ஆவலை தீர்க்க பார்க்கலாம். தெரிந்த கதை தான் என்றாலும் அதை கிரிசாயா எப்படி கையாண்டிருக்கிறார், த்ருவ், பனிடா சந்து எப்படி உணர்ச்சிகளை திரையில் கொண்டு வந்துள்ளனர் என்பதை பார்க்கும் ஆவல் உள்ளது.

பதற்றத்தில் விக்ரம்

image

விக்ரம் தன் பட வேலைகளை எல்லாம் விட்டுவிட்டு மகனுக்காக கஷ்டப்பட்டார். அந்த உழைப்பை த்ருவ் வடிவில் படத்தில் பார்க்கும் ஆவல் ஏற்பட்டுள்ளது. புலிக்கு பிறந்தது பூனையாகுமா என்று விக்ரம் ரசிகர்கள் கூறி வருகிறார்கள். அது இன்று தெரிந்துவிடும். இன்று ஆதித்ய வர்மா ரிலீஸாவதையொட்டி த்ருவை விட விக்ரம் தான் செம பதற்றத்தில் இருக்கிறார். அவரின் சேது படத்திற்கு கூட மனிதர் இப்படி இருந்தது இல்லை. விக்ரம் இப்படி இருந்தது இல்லை என்று நீ பார்த்தியா என்றால் நாம் பார்க்கவில்லை. அவரே சொன்னதை தான் நாம் சொல்கிறோம்.

எப்படி பார்க்கக் கூடாது?

image

ஆதித்ய வர்மா படத்தை எப்படி பார்க்கக் கூடாது என்றும் தெரிந்து கொள்வோம். விக்ரம் மகன் என்பதால் முதல் படத்திலேயே சிவாஜி கணேசன்அளவுக்கு த்ருவிடம் நடிப்பை எதிர்பார்த்து செல்லக் கூடாது. மேலும் அர்ஜுன் ரெட்டியாக நடித்த விஜய் தேவரகொண்டா, கபிர் சிங்காக நடித்த ஷாஹித் கபூரை மனதில் வைத்துக் கொண்டு தியேட்டருக்கு சென்று அவர்களை த்ருவிடம் தேடக் கூடாது. அர்ஜுன் ரெட்டியையும், கபிர் சிங்கையும் திரையரங்கம் வாசலில் விட்டுவிட்டு ஆதித்ய வர்மாவை மட்டும் பார்த்தால் நல்லது.

ஒப்பிட்டுப் பார்க்க வேண்டாமே

image

அர்ஜுன் ரெட்டி, கபிர் சிங்குடன் ஆதித்ய வர்மாவை காட்சி வாரியாக ஒப்பிட்டுக் கொண்டே படத்தை பார்க்கக் கூடாது. அப்படி பார்த்தால் படம் நன்றாக இருந்தாலும் அதை ரசிக்க முடியாது. படத்தை பார்த்துவிட்டு வெளியே வந்த பிறகு யாருடன் வேண்டுமானாலும் ஒப்பிடலாம். ஆனால் இது சின்னப் பையனின் முதல் முயற்சி, புதுப் பயணம் என்பதை மட்டும் மறக்க வேண்டாம்.

Source: samayam

Author Image
murugan