Press "Enter" to skip to content

தளபதி 64 பட தலைப்பு குறித்த வதந்திக்கு முற்றுப்புள்ளி வைத்த சிவகார்த்திகேயன்

லோகேஷ் கனகராஜ் இயக்கத்தில் விஜய் நடிக்கும் தளபதி 64 படத்தின் தலைப்பு குறித்த வதந்திக்கு நடிகர் சிவகார்த்திகேயன் முற்றுப்புள்ளி வைத்துள்ளார்.

பிகில் படத்துக்கு பிறகு லோகேஷ் கனகராஜ் இயக்கும் படத்தில் விஜய் நடித்து வருகிறார். கதாநாயகியாக மாளவிகா மோகனன் நடிக்கிறார். விஜய் சேதுபதி, சாந்தனு, அர்ஜுன் தாஸ், ஆண்ட்ரியா, பிரகிதா, ரம்யா ஆகியோரும் உள்ளனர். இப்படத்தின் முதற்கட்ட படப்பிடிப்பு சென்னையிலும், அடுத்த கட்ட படப்பிடிப்பு டெல்லியிலும் நடந்தது. தற்போது விஜய்-விஜய் சேதுபதி நடிக்கும் காட்சிகள் கர்நாடகாவில் உள்ள சிறையில் படமாக்கப்பட உள்ளன. 

படத்தின் கதை, தலைப்பு, விஜய் கதாபாத்திரம் போன்ற பல்வேறு தகவல்கள் சமூக வலைதளத்தில் பரவி வருகின்றன. விஜய் கல்லூரி பேராசிரியராக நடிக்கிறார் என்று கூறப்பட்டது. அவரது இளமையான தோற்றம் கசிந்த பிறகு மாணவராக நடிக்கிறார் என்று பேசப்பட்டது. கமல்ஹாசனின் நம்மவர் படத்தின் மறுதயாரிப்புகாக உருவாகிறது என்றும் பேசப்பட்டது. இந்த தகவல்கள் எதையும் படக்குழுவினர் உறுதிப்படுத்தவில்லை. 

நீட் தேர்வுக்கு மாணவி அனிதா பலியான சம்பவத்தை மையமாக வைத்து படம் தயாராகிறது என்று இன்னொரு தகவல் வெளியானது. அதனால் இப்படத்துக்கு மருத்துவர் என தலைப்பு வைக்கப்பட்டு உள்ளதாக தகவல் பரவியது. இந்நிலையில், சிவகார்த்திகேயன் அடுத்ததாக நடிக்கும் படத்துக்கு ‘மருத்துவர்’ என தலைப்பு வைக்கப்பட்டுள்ளது. இதன்மூலம் தளபதி 64 படத்தின் தலைப்பு இது இல்லை என்பது உறுதியாகியுள்ளது.

Related Tags :

Source: Malai Malar