Press "Enter" to skip to content

10 நாட்களுக்கு முன்னரே பிறந்தநாள் கொண்டாடிய ரஜினி…. காரணம் இதுதான்

தமிழ் திரைப்படத்தில் உச்ச நட்சத்திரமாக வலம் வரும் நடிகர் ரஜினிகாந்த், நேற்று தனது வீட்டில் பிறந்தநாளை கொண்டாடியுள்ளார்.

நடிகர் ரஜினிகாந்த் தமிழ் திரைப்படத்தில் உச்ச நட்சத்திரமாகவும், சூப்பர் ஸ்டாராகவும் வலம் வருகிறார். தமிழ், தெலுங்கு, கன்னடம், மலையாளம் உள்ளிட்ட 6 மொழிகளில் நடித்துள்ள ரஜினி, இதுவரை 167 படங்களில் நடித்துள்ளார். இவரது 167-வது படமான தர்பார் வருகிற பொங்கல் விடுமுறையையொட்டி ரிலீசாக உள்ளது. இதை தொடர்ந்து ரஜினியின் 168-வது படத்தை சிறுத்தை சிவா இயக்க இருக்கிறார். இப்படத்தின் படப்பிடிப்பு விரைவில் தொடங்க உள்ளது.

ரஜினி தனது 69-வது பிறந்தநாளை வருகிற டிசம்பர் 12-ந் தேதி கொண்டாட இருக்கிறார். அதை பிரம்மாண்டமாக கொண்டாட ரசிகர்கள் தயாராகி வருகின்றனர். இந்நிலையில் ரஜினிகாந்த் தனது நட்சத்திர பிறந்தநாளை நேற்று தனது வீட்டில் கொண்டாடியுள்ளார். நேற்று தன்னுடைய பிறந்த நட்சத்திரமான திருவோணம் நாள் என்பதால், இதற்காக வீட்டில் சிறப்பு சடங்குத்தீ நடத்தியுள்ளார். 

Related Tags :

Source: Malai Malar