Press "Enter" to skip to content

எம்மாடியோவ்…யானைய வச்சு இப்படியெல்லாம் போட்டோஷூட் எடுத்த சாக்‌ஷி அகர்வால்: மிகுதியாகப் பகிரப்படும் போட்டோஸ்!

Samayam Tamil | Updated:

முதல் முறையாக யானை உடன் போட்டோஷூட் நடத்திய சாக்ஷி அகர்வாலின் புகைப்படங்கள் சமூக வலைதளங்களில் மிகுதியாக பகிரப்பட்டுி வருகிறது.

ராஜா ராணி – சாக்ஷி அகர்வால்!

image

அட்லியின் ராஜா ராணி படத்தின் மூலம் திரைப்படத்தில் அறிமுகமானவர் நடிகை சாக்‌ஷி அகர்வால். ஆனால், இவரது கதாபாத்திரம் எளிதில் பேசப்பட்டிருக்காது. எனினும், யூகன், திருட்டு விசிடி, ஆத்யன், க க க போ ஆகிய படங்களில் நடித்துள்ளார். இதிலும், பிரபலமாகவில்லை. ரஜினியின் காலா படத்திலும் நடித்துள்ளார், அஜித்தின் விஸ்வாசம் படத்திலும் நடித்துள்ளார். விஸ்வாசம் படத்தில், மருத்துவ முகாம் அமைத்திருக்கும் நயன்தாராவின் தோழியாக நடித்துள்ளார். ஆனால், என்ன யாரும் சாக்‌ஷி அகர்வால் குறித்து பேசவில்லை என்பது குறிப்பிடத்தக்கது.

ஆயிரம் ஜென்மங்கள்

image

தற்போது டெடி, ஆயிரம் ஜென்மங்கள் ஆகிய படங்களில் நடித்துள்ளார். இயக்குநர் எழில் இயக்கத்தில் ஜிவி பிரகாஷ், ஈஷா ரெப்பா, நிகிஷா படேல், சாக்‌ஷி அகர்வால், சதீஷ், ஜாங்கிரி மதுமிதா ஆகியோர் பலர் நடிப்பில் உருவாகியுள்ள படம் ஆயிரம் ஜென்மங்கள். வரும் 20 ஆம் தேதி இப்படம் வெளியாகும் என்று கூறப்படுகிறது. இப்படத்தில் இடம்பெற்றுள்ள அருப்புக்கோட்டையிலே என்ற பாடல் காணொளி வெளியாகி சமூக வலைதளங்களில் சர்ச்சைக்குள்ளானது. இரட்டை அர்த்தமுள்ள வசனங்களை கரகாட்ட தோணியில் இந்தப் பாடல் கொடுத்துள்ளது.

பிக் பாஸ் 3 தமிழ்

image

திரைப்படம் மூலம் பிரபலமாகாத சாக்‌ஷி அகர்வால், விஜய் தொலைக்காட்சியில் 100 நாட்கள் ஒளிபரப்பான பிக் பாஸ் நிகழ்ச்சியின் 3 ஆவது பருவத்தில் கலந்து கொண்டு ரசிகர்களின் மத்தியில் நீங்காத இடம் பிடித்தார். இந்நிகழ்ச்சியில் இருக்கும் இடம் தெரியாமல் இருப்பது வேறு. தொடர்ந்து சர்ச்சையை ஏற்படுத்தி அதில் சிக்குவது வேறு. இதில், சாக்‌ஷி அகர்வால், சர்ச்சையில் சிக்கி ரசிகர்களின் மனதில் இடம்பிடித்துள்ளார்.

முக்கோண காதல்

image

கவின் – சாக்‌ஷி இருவருமே காதலித்து வந்த நிலையில், ஒரு கட்டத்தில் கவினின் பார்வை லோஸ்லியா பக்கம் திரும்ப அது முக்கோண காதலாக மாறியது. இதன் மூலம், கவின் – சாக்‌ஷி அகர்வால் காதலில் விரிசல் ஏற்பட்டது. இதையடுத்து முக்கோண காதலுக்கு முற்றுப்புள்ளி வைக்கப்பட்டது. அதன் பிறகு கவின் – லோஸ்லியா காதலை ரசிகர்கள் பார்த்து மகிழ்ந்தனர். ஒரு கட்டத்தில் லோஸ்லியாவின் பெற்றோர்கள் உள்ளே வர அதற்கும் பஞ்சாயத்து வந்தது. அதன் பிறகு கொஞ்சம் கொஞ்சம் அப்படி இப்படி என்று தான் காதல் காட்சிகள் நகர்ந்தது. எது எப்படியோ இப்போது அவரவர் வேலையில் வேலையாகவே இருக்கின்றனர்.

சாக்ஷி அகர்வால் யானை போடோஷூட்

image

பிக் பாஸ் நிகழ்ச்சியை விட்டு வெளியேறிய சாக்‌ஷி அகர்வால் ஓரிரு படங்களில் நடித்து வருகிறார். பல நிகழ்ச்சிகளிலும் சிறப்பு விருந்தினராக கலந்து கொண்டுள்ளார். தற்போது அனைவருமே 2020 ஆம் ஆண்டை எதிர்நோக்கி இருக்கும் நிலையில், 2020 ஆம் ஆண்டுக்கான நாட்காட்டி போட்டோஷூட்டில் சாக்‌ஷி அகர்வால் ரொம்பவே வேலையாக இருக்கிறார். ஆம், அதற்காக யானை மீது அமர்ந்தும், அருகில் நின்று கொண்டும், தும்பிக்கையில் கை வைத்தும் விதவிதமான ஆடைகளில் கொசம் கிளாமராக பாவனை கொடுத்து வருகிறார். இந்தப் புகைப்படங்கள் சமூக வலைதளங்களில் மிகுதியாக பகிரப்பட்டுி வருகிறது. அதோடு, இதற்கு முன்னதாக இது போன்று யாரும் யானை உடன் போட்டோஷுட் நடத்தியது இல்லை என்று கூறப்படுகிறது.

யானை குளியல் போட்ட சாக்ஷி

image

படுத்திருக்கும் யானை மீது சாக்‌ஷி அகர்வால் இருபுறம் கால் இருந்தவாறு அமர்ந்து கொண்டு பாவனை கொடுத்துள்ளார். அப்போது யானை தண்ணீரை அவரது மிது அடிக்கிறது. இதில், தனது கையால் கண்ணை மறைத்துக்கொள்வது போன்று காணொளி காட்சி அமைந்துள்ளது. மேலும், என்னது இது போச்சு போச்சு என்று அவர் கூறுகிறார். இதனைப் பார்த்த இணையப் பயனாளர்கள் சாக்‌ஷி அகர்வால் யானை குளியல் போட்டுள்ளார் என்று கிண்டலடித்துள்ளனர்.

சாக்ஷி அகர்வால் நாட்காட்டி போட்டோஷூட்

image

இது குறித்து அவர் கூறுகையில், போட்டோஷூட்டின் போது ராஜா (யானை) உடன் கலவையான உணர்ச்சிகள்..! அதிகப்படியான நேரம் யானை உடன் இருந்தேன். இதுவரை இல்லாத ஒரு அனுபவம். எனது சிறந்த அனுபவங்களில் இதுவும் ஒன்று. இது 2020 ஆம் ஆண்டுக்கான நாட்காட்டி போட்டோஷூட். இதற்காக எல்லா அனுமதியையும் வாங்கியுள்ளோம். இந்த போட்டோஷூட்டிற்கு பிறகு யானைக்கு எந்த தீங்கும் செய்யப்படவில்லை என்று குறிப்பிட்டுள்ளார்.

Source: samayam

More from திரையுலகம்More posts in திரையுலகம் »