பிக் பாஸ் 3 நிகழ்ச்சியில் சர்ச்சையை ஏற்படுத்திய பிரபலங்கள்!

Samayam Tamil | Updated:

கமல் ஹாசன் தொகுத்து வழங்கிய பிக் பாஸ் 3 நிகழ்ச்சியில், மதுமிதாவின் தற்கொலை முயற்சி, மீரா மிதுன் பண மோசடி, வனிதாவின் குழந்தை கடத்தல், பெண்கள் குறித்து சரவணனின் தவறான கருத்து, சேரன் மீது தவறான குற்றச்சாட்டு ஆகியவை சமூக வலைதளங்களில் அதிகளவில் சர்ச்சையை ஏற்படுத்தியுள்ளன.

பிக் பாஸ் 3 தமிழ்

image

கடந்த ஜூன் 23 ஆம் தேதி முதல் விஜய் தொலைக்காட்சியில் பரபரப்பாக ஒளிபரப்பான நிகழ்ச்சி பிக் பாஸ் தமிழ் பருவம் 3. இதில், முதல் நாளில் மதுமிதா, ஃபாத்திமா பாபு, சரவணன், சேரன், வனிதா, மோகன் வைத்யா என்று 15 போட்டியாளர்கள் கலந்து கொண்டனர். 2 ஆவது நாளில் மீரா மிதுன் கலந்து கொண்டார். வைல்டு அட்டை மூலம் கஸ்தூரி வந்தார். அப்படி இப்படி என்று மொத்தம் 19 போட்டியாளர்கள் கிட்டத்தட்ட 106 நாட்கள் வரை பிக் பாஸ் வீட்டிற்குள் போட்டியாளர்களாக கலந்து கொண்டு நிகழ்ச்சியை பரபரப்பாக்கினர்.

டைட்டில் வின்னர் முகென் ராவ்

image

இதில், முகென் ராவ் தலைப்பு வின்னரானார். சாண்டிக்கு 2 ஆவது இடமும், லோஸ்லியா மற்றும் ஷெரினுக்கு முறையே 3 மற்றும் 4 ஆவது இடங்கள் கொடுக்கப்பட்டன. இந்நிகழ்ச்சியின் அனைத்து போட்டியிலும் வெற்றி பெற்ற தர்ஷன் 98 ஆவது நாளில் வெளியேற்றப்பட்டார். இந்த நிலையில், இந்த வருடம் முடியும் நிலையில், இந்த ஆண்டில் நடந்தவற்றை மீண்டும் நினைவு கூறும் வகையிலும், அடுத்த பருவத்தில் இது போன்று நடக்காத வண்ணம் அமையவேண்டும் எனும் நோக்கத்தோடு பிக் பாஸ் வீட்டில் நடந்த சர்ச்சை குறித்து இங்கு சுருக்கமாக காண்போம்.

சரவணன்

image

பிக் பாஸ் 3 நிகழ்ச்சி தொடங்கியதிலிருந்து பெண்கள் குறித்து தவறான கருத்துக்களை பதிவு செய்து வந்தார். முதல் மனைவி தான் தனக்கு 2ஆவது திருமணம் செய்து வைத்ததாகவும், மனைவியின் வருமானத்தில் சாப்பிட்டதாகவும் குறிப்பிட்டார். ஒரு காலத்தில் கல்லூரியில் படித்துக்கொண்டிக்கும் போது பேருந்தில் பயணம் செய்த போது பெண்களை உரசியிருக்கிறேன் என்று வெளிப்படையாக தெரிவித்தார். இதற்கு கமல் ஹாசனும் எந்த மறுப்பும் தெரிவிக்கவில்லை. நாளடைவில் இது சர்ச்சையை ஏற்படுத்த, நிகழ்ச்சியின் போது இது போன்ற தவறுகளை இனி யாரும் செய்யக்கூடாது என்பதற்காகத்தான் தான் கூறியதாக பொது மக்களிடம் கூறி அவர்களிடம் மன்னிப்பு கேட்டார். எனினும், பெண்கள் குறித்து தவறான கருத்துக்களை கூறியதற்காக அவர் நிகழ்ச்சியிலிருந்து வெளியேற்றப்பட்டார்.

மதுமிதா

image

பிக் பாஸ் நிகழ்ச்சியில், கலந்து கொண்ட போட்டியாளர்களில் நகைச்சுவை நடிகை மதுமிதாவும் ஒருவர். இந்நிகழ்ச்சி பரபரப்பாக சென்று கொண்டிருந்த நிலையில், மற்ற போட்டியாளர்களால் தொடர்ந்து இலக்கு செய்யப்பட்டு வந்தார். ஒரு கட்டத்தில் தன்னை எப்படியாவது வெளியேற்றிவிடுங்கள் என்று பிக் பாஸிடம் கெஞ்சினார். இந்த நிலையில், இடது கையில் கட்டுப்போட்ட நிலையில் நிகழ்ச்சியிலிருந்து வெளியேற்றப்பட்டார். ஆனால், அவர் பிக் பாஸின் விதிமுறைகளை மீறி செயல்பட்டதற்காக மதுமிதா வெளியேற்றப்பட்டுள்ளார் என்று அறிவிக்கப்பட்டது. எனினும், அவர் தற்கொலைக்கு முயற்சித்த நிலையில், வெளியேறியதாகவே கூறப்பட்டது.

வெளியேறிய பிறகு, சேர வேண்டிய நிலுவைத் தொகையை திருப்பித் தராவிட்டால் மதுமிதா தற்கொலை செய்து கொள்வதாக மிரட்டுகிறார் என்று விஜய்தொலைக்காட்சிசார்பில் கிண்டி காவல் நிலையத்தில் புகார் அளிக்கப்பட்டது. இதற்கு மறுப்பு தெரிவித்த மதுமிதா, தொலைக்காட்சி நிர்வாகம் நிகழ்ச்சியில் பங்கேற்றதற்கான இன்வாய்ஸ் கேட்டார்கள். என் கணவரும் அந்த தொலைக்காட்சி அலுவலகத்திற்கு சென்று கொடுத்துவிட்டு வந்தார். நிலைமை இப்படியிருக்க, தன் மீது தொலைக்காட்சி நிர்வாகம் பொய் புகார் கொடுத்துள்ளதாக குறிப்பிட்டுள்ளார்.

மீரா மிதுன் பண மோசடி வழக்கு

image

தேனாம்பேட்டை காவல் நிலையத்தில் ரஞ்சித் பண்டாரி என்பவர் புகார் அளித்தார். இதில், அழகி போட்டி நடத்துவதாக கூறி, ஏற்பாடுகள் செய்து பின்னர் நிகழ்ச்சியையும் ரத்து செய்து விட்டார். ஆனால், அழகிப் போட்டி நடத்துவதற்காக வாங்கிய ரூ.50 ஆயிரத்தை தரவில்லை என்று அவர் மீது குற்றம் சாட்டப்பட்டது. இதற்கு மறுப்பு தெரிவித்து மீரா மிதுனின் அம்மா சென்னை உயர்நீதிமன்றத்தில் மனு தாக்கல் செய்தார். எனினும், இது குறித்து பிக் பாஸ் பூந்தமல்லி காவல் துறையினர் விசாரணை மேற்கொண்டனர் என்பது குறிப்பிடத்தக்கது.

வனிதா குழந்தை கடத்தல் வழக்கு

image

கடந்த 2000 ஆம் ஆண்டில் ஆகாஷ் என்பவரை காதலித்து வனிதா திருமணம் செய்து கொண்டார். இவர்களுக்கு ஸ்ரீஹரி என்ற மகனும், ஜோவிகா என்ற மகளும் இருக்கின்றனர். இந்த நிலையில், ஆகாஷை விவாகரத்து செய்துவிட்டு, 2007ல் ஆனந்தராஜ் என்பவரை திருமணம் செய்தார். இவர்களுக்கு ஜெய்நிதா என்று ஒரு மகள் இருக்கிறார். இந்த நிலையில், 2012 ல் இருவருமே விவாகரத்து பெற்று பிரிந்தனர். எனினும், ஆனந்தராஜுடன் தெலுங்கானாவில் வசித்து வந்த ஜெய்நிதாவை வனிதா அழைத்து வந்துள்ளார். ஆனால், ஆனந்தராஜோ, தனது மகளை வனிதா கடத்தி சென்றுவிட்டதாக தெலுங்கானா காவல்துறையில் புகார் கொடுக்க, அவர்களோ சென்னை நசரத்பேட்டை காவல் துறையினர் உதவியுடன் பிக் பாஸ் வீட்டிற்கு சென்று வனிதா மற்றும் அவரது மகள் ஜெய்நிதாவிடம் விசாரணை மேற்கொண்டனர். விசாரணையில், தான் அம்மாவுடன் இருக்க விரும்புதாக ஜெய்நிதா தெரிவிக்க காவல் துறையினர் அங்கிருந்து சென்றுள்ளனர்.

சேரன் மீது தவறான குற்றச்சாட்டு

image

பிக் பாஸ் வீட்டில் நாட்டாமை டாஸ்க் கொடுக்கப்பட்டது. இதில், சேரன் தான் நாட்டாமை. போட்டியாளர்கள் அனைவருமே கிராமத்து பாணியில் உடை அணிந்து அந்த டாஸ்க் செய்ய வேண்டும். இதில், கொடுக்கப்பட்ட டாஸ்க்கின் போது சேரன், லோஸ்லியாவை பிடிக்க முயன்றார். அப்போது மீரா மிதுன், ரேஷ்மா, சாக்‌ஷி ஆகியோர் அவரை சூழ்ந்து கொண்டனர். எனினும் சேரன் லோஸ்லியாவின் கையைப் பிடித்து இழுப்பார். இது தான் நடந்தது. ஆனால், அதற்குள்ளாக சேரன் தனது இடுப்பில் கையை வைத்து தள்ளினார் என்றும் முரட்டுத்தனமாக நடந்து கொண்டார் என்றும் மீரா மிதுன் குற்றம் சாட்டினார். இதற்கு பதிலளித்த சேரன் தான் தவறாக ஒன்றும் நடக்கவில்லை. டாஸ்க்குக்காகவே அவ்வாறு செய்ததாகவும், எல்லோரும் தன்னை மன்னித்துவிடுங்கள் என்றும் கூறிவிட்டு அங்கிருந்து புறப்பட்டுச் சென்று தனியாக அமர்ந்து கொண்டு அழுதார். மீராவைத் தவிர மற்ற போட்டியாளர்கள் அவருக்கு ஆதரவு தெரிவித்தனர் என்பது குறிப்பிடத்தக்கது.

Source: samayam