Rajinikanth சென்னையில் வசூல் வேட்டை நடத்திய தர்பார்: 7 நாள் வசூல் மட்டும் இவ்வளவா?

Rajinikanth சென்னையில் வசூல் வேட்டை நடத்திய தர்பார்: 7 நாள் வசூல் மட்டும் இவ்வளவா?

Samayam Tamil | Updated:

ரஜினிகாந்தின் தர்பார் படம் சென்னை பாக்ஸ் ஆபீஸில் சக்கை போடு போட்டுள்ளது.

தர்பார்

image

ஏ.ஆர். முருகதாஸ் இயக்கத்தில் ரஜினிகாந்த், நயன்தாரா, நிவேதா தாமஸ், யோகி பாபு உள்ளிட்டோர் நடித்த தர்பார் படம் கடந்த 9ம் தேதி ரிலீஸானது. படம் ரிலீஸான அன்று சென்னையில் மட்டும் ரூ. 2.27 கோடி வசூல் செய்தது. பொங்கலுக்கு வேறு எந்த தமிழ் படமும் ரிலீஸாகாததால் தர்பார் சோலோவாக வசூல் வேட்டை நடத்தி வந்தது. இந்நிலையில் தனுஷின் பட்டாஸ் படம் நேற்று ரிலீஸானது.

ரூ. 10 கோடி

image

தர்பார் ரிலீஸான ஒரு வாரத்தில் சென்னை பாக்ஸ் ஆபீஸில் மட்டும் ரூ. 10 கோடி வசூல் செய்துள்ளது. படம் வெளியான சில மணிநேரத்தில் தமிழ் ராக்கர்ஸில் கசிந்தபோதிலும் அதன் வசூல் பெரிதாக பாதிக்கப்படவில்லை. தமிழ் ராக்கர்ஸில் கசிந்தாலும் நாங்கள் படத்தை பல முறை பார்த்து ஹிட்டாக்காமல் விட மாட்டோம் என்று ரஜினி ரசிகர்கள் தெரிவித்திருந்தனர். அதை தான் செய்கிறார்கள் போன்று.

வசூல் வேட்டை

image

தர்பார் சிங்கப்பூரில் இதுவரை ரூ. 5.25 கோடி வசூல் செய்துள்ளது. மலேசியாவில் வெளியான நான்கு நாட்களில் ரூ. 9.53 கோடி வசூலித்துள்ளது. அமெரிக்காவில் தர்பார் ரூ. 10.4 கோடியும், ஆஸ்திரேலியாவில் ரூ. 2.2 கோடியும் வசூல் செய்துள்ளது.

பட்டாஸ்

image

பட்டாஸ் படம் வெளியாகியுள்ளதால் தர்பார் வசூல் பாதிக்கப்படும் என்று எதிர்பார்க்கப்படுகிறது. இருப்பினும் பட்டாஸும், தர்பாரும் சேர்ந்து நல்ல வசூல் வேட்டை நடத்தும் என்ற எதிர்பார்ப்பும் உள்ளது. பட்டாஸ் ரிலீஸான அன்று சென்னையில் மட்டும் ரூ. 51 லட்சம் வசூலித்துள்ளது. பட்டாஸிலும் சில மைனஸ் இருக்கிறது. இருப்பினும் தனுஷ் ரசிகர்களுக்கு அது மிகவும் பிடித்துள்ளது.

Source: samayam

Author Image
murugan