Press "Enter" to skip to content

Vijay Sethupathi சிவா இல்லை விஜய் சேதுபதியை இயக்கும் விக்கி: கதாநாயகி நயன்தாரா

Samayam Tamil | Updated:

விக்னேஷ் சிவன் இயக்கும் புதுப் படத்தில் விஜய் சேதுபதிக்கு ஜோடியாக நயன்தாரா நடிக்கப் போவதாக கூறப்படுகிறது.

நானும் ரவுடி தான் கூட்டணி

image

விஜய் சேதுபதியை வைத்து நானும் ரவுடி தான் படத்தை இயக்கிய போது விக்னேஷ் சிவனுக்கும், நயன்தாராவுக்கும் இடையே காதல் ஏற்பட்டது. நானும் ரவுடி தான் படம் விஜய் சேதுபதிக்கும், விக்னேஷ் சிவனுக்கும் நல்ல பெயர் எடுத்துக் கொடுத்தது. இந்நிலையில் 5 ஆண்டுகள் கழித்து அதே கூட்டணி மீண்டும் ஒன்று சேர்கிறது என்று தகவல் வெளியாகியுள்ளது.

விஜய் சேதுபதி

image

விக்னேஷ் சிவன் விஜய் சேதுபதியிடம் கதை சொல்ல அது அவருக்கு பிடித்துவிட்டதாம். கண்டிப்பாக உங்கள் படத்தில் நடிக்கிறேன் என்று கூறிவிட்டாராம் விஜய் சேதுபதி. விக்கி இயக்க உள்ள படத்தில் விஜய் சேதுபதிக்கு ஜோடியாக நயன்தாரா நடிக்கக்கூடும் என்று கூறப்படுகிறது. நயன்தாரா தற்போது ஆர். ஜே. பாலாஜி இயக்கி, நடித்து வரும் மூக்குத்தி அம்மன் படத்தில் நடித்து வருகிறார்.

சிவகார்த்திகேயன்

image

தானா சேர்ந்த கூட்டம் படத்தை அடுத்து விக்னேஷ் சிவன் சிவகார்த்திகேயனை தான் இயக்குகிறார் என்று அறிவிப்பு வெளியானது. ஆனால் அந்த பட வேலைகள் தற்போதைக்கு துவங்குவதாக இல்லையாம். பட்ஜெட் பிரச்சனையாக உள்ளதாம். இந்நிலையில் தான் சிவகார்த்திகேயன் படத்தை விட்டுவிட்டு விஜய் சேதுபதியை வைத்து படம் எடுக்க உள்ளார் விக்கி. படப்பிடிப்பு வரும் மே மாதம் துவங்குமாம்.

நயன்தாரா

image

விஜய் சேதுபதி, நயன்தாரா நடிக்கும் படத்தை லலித் குமாரின் 7 ஸ்கிரீன் ஸ்டுடியோஸ் தயாரிக்கும் என்று எதிர்பார்க்கப்படுகிறது. விஜய் சேதுபதி, நயன்தாரா ஜோடியை இமைக்கா நொடிகள் படத்திற்கு பிறகு மீண்டும் பார்க்கும் வாய்ப்பு ஏற்பட்டுள்ளது. இந்த படத்திற்கு விக்கியின் ஆஸ்தான இசையமைப்பாளரான அனிருத் தான் இசையமைக்க உள்ளாராம்.

Web Title vignesh shivan to direct a movie with vijay sethupathi, nayanthara?

(Tamil News from Samayam Tamil , TIL Network)

Source: samayam