Dhanush 2.0 பகைவன், வாரிசு நடிகையுடன் பாலிவுட் படத்தில் தனுஷ்

Dhanush 2.0 பகைவன், வாரிசு நடிகையுடன் பாலிவுட் படத்தில் தனுஷ்

Samayam Tamil | Updated:

தனுஷ் நடிக்கும் பாலிவுட் படத்தின் தலைப்பு வெளியாகியுள்ளது.

தனுஷ்

image

ஆனந்த் எல் ராய் இயக்கிய ராஞ்சனா படம் மூலம் பாலிவுட் சென்றார் தனுஷ். பாடியை காட்டி மிரட்டும் பாலிவுட் நடிகர்களுக்கு மத்தியில் நடிப்பை காட்டி மிரள வைத்து யார் இந்த சுள்ளான் என்று அனைவரையும் கேட்க வைத்தார். இதையடுத்து அவர் பால்கி இயக்கத்தில் அமிதாப் பச்சன், அக்ஷரா ஹாஸனுடன் சேர்ந்து ஷமிதாப் படத்தில் நடித்தார்.

அத்ரங்கி ரே

image

தனுஷ் மீண்டும் ஆனந்த் எல் ராய் இயக்கத்தில் அக்ஷய் குமார், சாரா அலி கான் ஆகியோருடன் சேர்ந்து நடிக்கிறார் என்று கூறப்பட்டது. இந்நிலையில் அந்த படம் எடுப்பது உறுதியாகியுள்ளது. படத்திற்கு அத்ரங்கி ரே என்று பெயர் வைத்துள்ளனர். மேலும் சாரா, தனுஷ், அக்ஷய் குமார் இருக்கும் நான்கு புகைப்படங்களும் வெளியாகியுள்ளது. படப்பிடிப்பு மார்ச் மாதம் 1ம் தேதி துவங்குகிறது. படத்திற்கு இசைப்புயல் ஏ.ஆர். ரஹ்மான் இசையமைக்கிறார்.

சாரா அலி கான்

image

ஒரு புகைப்படத்தில் அக்கியும், தனுஷும் சாரா அலி கான் கன்னத்தில் முத்தம் கொடுத்தபடி போஸ் கொடுத்துள்ளனர். அத்ரங்கி ரே அறிவிப்புடன் சேர்ந்து வெளியாகியுள்ள 4 புகைப்படங்களும் அருமையாக உள்ளது. அக்ஷய் குமார் 2.0 படத்தில் ரஜினிகாந்துடன் நடித்தார். தற்போது அவரின் மருமகன் தனுஷுடன் நடிக்கிறார் என்பது குறிப்பிடத்தக்கது.

வாரிசு நடிகைகள்

image

தனுஷ் பாலிவுட் செல்லும் போது எல்லாம் யாராவது நடிகரின் மகளுடன் தான் சேர்ந்து நடிக்கிறார். ராஞ்சனா படத்தில் அனில் கபூரின் மகள் சோனமுடன் நடித்தார். ஷமிதாபில் கமல் ஹாஸனின் இளைய மகள் அக்ஷரா தான் தனுஷுக்கு ஜோடி. இந்நிலையில் அத்ரங்கி ரே படத்தில் நடிக்கும் சாரா பிரபல பாலிவுட் நடிகர் சயிப் அலி கான், நடிகை அம்ரிதாவின் மகள் ஆவார்.

Web Title dhanush, akshay kumar, sara ali khan movie titled atrangi re

(Tamil News from Samayam Tamil , TIL Network)

Source: samayam

Author Image
murugan