காதல், காதலி, கடலை: கவின் சொல்வதை கேளுங்க பாஸ்

காதல், காதலி, கடலை: கவின் சொல்வதை கேளுங்க பாஸ்

Samayam Tamil | Updated:

காதல் பற்றி கவின் தெரிவித்துள்ள விஷயத்தை கேட்டு கவிலியா ஆதரவாளர்களுக்கு நிச்சயம் அதிர்ச்சியாகத் தான் இருக்கும்.

கவின்

image

பிக் பாஸ் 3 நிகழ்ச்சி மூலம் பிரபலமான கவின் சென்னை டைம்ஸின் 2019ம் ஆண்டில் அதிகம் விரும்பப்பட்ட டிவி பிரபலமாக தேர்வு செய்யப்பட்டுள்ளார். இதையடுத்து அவர் சென்னை டைம்ஸுக்கு பேட்டி அளித்தார். அந்த பேட்டியில் கவின் அளித்த ஒரு பதில் நிச்சயம் அவரின் ரசிகர்களுக்கு ஏமாற்றமாக இருக்கும். காரணம் அவர் சிங்கிளா, கமிட்டடா என்று தெரிவித்துள்ளார்.

கடலை போட்டேனா?

image

ரசிகர்கள் யாரும் என்னை வேற்று ஆளாக பார்க்கவில்லை. அவர்கள் வீட்டில் ஒருவராகவே பார்க்கிறார்கள். என்னை அண்ணன் அல்லது தம்பி என்று தான் அழைக்கிறார்கள். நான் பிக் பாஸ் நிகழ்ச்சியில் கடலை பார்ட்டியாக இருந்ததாக கூறப்பட்டது. நிகழ்ச்சியில் இருந்து வெளியேறிய பிறகு முதல் வேலையாக அத்தை பொண்ணுங்கள பார்த்து நான் எப்படி நடந்தேன் என்று கேட்டேன். அதற்கு அவர்கள் நீ எப்பொழுதும் போன்று தான் இருந்தாய் என்றார்கள் என கவின் கூறியுள்ளார்.

பிடிக்கவில்லை

image

நான் சரவணனாக நடித்தபோது மக்கள் ஏற்றுக் கொண்டார்கள். ஆனால் அதையே கவினாக செய்தபோது அவர்களுக்கு பிடிக்கவில்லை. நான் எடுக்கும் எந்த முடிவுகள் குறித்தும் வருத்தப்பட்டது இல்லை. ஆனால் நான் பிக் பாஸ் வீட்டில் நடந்து கொண்ட விதம் பற்றி வருத்தமாக உள்ளது என்கிறார் கவின்.

சிங்கிள்

image

நான் சிங்கிளாகத் தான் இருக்கிறேன். முன்பு எல்லாம் ஒரு நல்ல திருச்சிக்கார பெண்ணை திருமணம் செய்து செட்டில் ஆக விரும்பினேன். ஆனால் தற்போது அப்படி இல்லை. நட்பில் மட்டும் அல்ல காதலிலும் எந்தவித எதிர்பார்ப்பும் இருக்கக் கூடாது. ஒருவரை அப்படியே ஏற்க வேண்டும். நான் யாரையாவது காதலித்தால் அவரை மகிழ்ச்சிபடுத்த எதை வேண்டுமானாலும் செய்வேன். அவள் சிறுபிள்ளையாக இருந்தபோது ஆசைப்பட்டு தற்போது மறந்தவற்றை எல்லாம் செய்வேன் என்று கவின் தெரிவித்துள்ளார்.

தல ரசிகன்

image

நான் மிகப்பெரிய தல ரசிகன். அவர் மிகவும் அழகானவர். சால்ட் அன்ட் பெப்பர் லுக்கில் கலக்குகிறார். விஸ்வாசம் படத்தில் சால்ட் லுக்கில் இருந்தார். அவர் அவராகவே உள்ளார். நடிகைகளில் எனக்கு த்ரிஷா தான் பிடிக்கும். நான் தற்போது ஒரு படத்தில் நடிக்கிறேன். அது குறித்த அறிவிப்பு விரைவில் வெளியாகும். நான் பிக் பாஸ் வீட்டில் இருந்து வெளியே வந்த பிறகு என்னை பற்றிய வீடியோ ஒன்றை பார்த்தேன். நான் பங்களாவில் வசிக்கிறேன், மாதம் ரூ. 2 லட்சம் சம்பாதிக்கிறேன், திருமணமாகி 2 குழந்தைகள் உள்ளது என்று அந்த வீடியோவில் காட்டினார்கள். அந்த வதந்தி உண்மையாக வேண்டும் என்று விரும்பினேன். உண்மையாக இருந்தால் என் லைஃப் செட்டில் ஆகவிடுமே என்கிறார் கவின்.

Source: samayam

Author Image
murugan