கோடிகளில் விலைபோன ஜெய்யின் புதிய படம்

கோடிகளில் விலைபோன ஜெய்யின் புதிய படம்

ஜெய் நடிப்பில் உருவாகி வரும் புதிய படத்தின் படப்பிடிப்பு முடியும் முன்பே சாட்டிலைட்ஸ் உரிமம் கோடியில் விற்பனையாகியுள்ளது.

ஜெய் நடிப்பில் தற்போது உருவாகி வரும் படம் ‘பிரேக்கிங் நியூஸ்’. இயக்குநர் ஆண்ட்ரூ பாண்டியன் எழுதி இயக்கும் இப்படத்தில் முதல் முறையாக வித்தியாசமான சூப்பர் ஹீரோ வகை படமாக உருவாகியுள்ளது. இதில் ஜெய்யுடன் பானு ஶ்ரீ, பழ கருப்பையா, இந்திரஜா, மானஸ்வி, ராகுல் தேவ், தேவ் கில் ஆகியோர் முக்கிய பாத்திரங்களில் நடிக்கிறார்கள். 

சமீப காலங்களில் தென் இந்திய திரைப்படங்கள் பெரும் விலையில் இந்தியில் சாட்டிலைட் ரைட்ஸ் வாங்கப்பட்டு அங்கு மொழிமாற்றம் செய்து திரையரங்குகளிலும், தொலைக்காட்சிகளிலும் ஒளிபரப்பப்படுகிறது. தற்போது இன்னும் படமே வெளிவராத நிலையில் படத்தின் கதை மற்றும் உருவாக்கத்தின் ஈர்ப்பில் பிரேக்கிங் நியூஸ் படம் இந்தியில் ரூ. 1.8 கோடிக்கு ரைட்ஸ் விற்கப்பட்டு சாதனை படைத்திருக்கிறது.

விஷால் பீட்டர் இசையமைக்கும் இப்படத்திற்கு ஜானி லால் ஒளிப்பதிவு செய்கிறார். ஆண்டனி படத்தொகுப்பு செய்கிறார். கிட்டதட்ட 400 தொழில் நுட்ப கலைஞர்கள் தினேஷ் குமார் மேற்பார்வையில் விஷுவல் எஃபெக்ட்ஸ் காட்சிளை வடிவமைத்து வருகிறார்கள்.

Related Tags :

Source: Malai Malar

Author Image
murugan