கொரோனாவால் சுவை, வாசனைத் திறனை இழந்து விட்டேன் – பிரபல பாடகர் உருக்கம்

கொரோனாவால் சுவை, வாசனைத் திறனை இழந்து விட்டேன் – பிரபல பாடகர் உருக்கம்

கொரோனா வைரஸ் தொற்று ஏற்பட்டதால் சுவை, வாசனை திறனை இழந்ததாக பிரபல பாப் பாடகர் தெரிவித்துள்ளார்.

ஹாலிவுட் நடிகரும், பிரபல அமெரிக்க பாப் பாடகருமான ஆரோனுக்கு கொரோனா வைரஸ் தொற்று ஏற்பட்டு உள்ளது. இதனை தனது இன்ஸ்டாகிராம் பக்கத்தில் உறுதிபடுத்தி அவர் கூறியிருப்பதாவது:- “எனக்கு கோவிட்-19 வைரஸ் தொற்றுக்கான அறிகுறிகள் தெரிந்தன. சளி இருந்தது. உடனடியாக பரிசோதனை செய்தேன். தற்போது எனக்கு கொரோனா தொற்று இருப்பதை உறுதிப்படுத்தி உள்ளனர். இதனை அனைவருக்கும் தெரிவிக்க விரும்புகிறேன். 

தற்போது நான் தனிமைப்படுத்தப்பட்டு இருக்கிறேன். அதிர்ஷ்டவசமாக காய்ச்சல் இல்லை. சளி மட்டும் இருக்கிறது. பலருக்கு தீவிரமான அறிகுறிகள் இருப்பதை அறிந்தேன். கொரோனா வைரஸ் மிகவும் ஆபத்தானது. வாசனைத் திறனையும், சுவையையும் இழந்து விட்டேன். இந்த வைரஸ் யாரை வேண்டுமானாலும் தாக்கும். அனைவரும் ஆரோக்கியமாகவும், சுத்தமாகவும் இருங்கள். இவ்வாறு அவர் கூறியுள்ளார்.

Related Tags :

Source: Malai Malar

Author Image
murugan