லாக்டவுனில் புதிய அவதாரம் எடுத்த விஜய் ஆண்டனி

லாக்டவுனில் புதிய அவதாரம் எடுத்த விஜய் ஆண்டனி

இசையமைப்பாளர், பாடகர், நடிகர், தயாரிப்பாளர் என பன்முகத்திறமை கொண்ட விஜய் ஆண்டனி, தற்போது புதிய அவதாரம் எடுத்துள்ளார்.

திரையுலகில் இசையமைப்பாளராக அறிமுகமாகிய விஜய் ஆண்டனி தற்போது நடிப்பில் கவனம் செலுத்தி வருகிறார். இவர் நடிப்பில் வெளியான நான், சலீம், பிச்சைக்காரன், கொலைகாரன் போன்ற படங்கள் நல்ல வரவேற்பை பெற்றன. குறிப்பாக 2016-ம் ஆண்டு சசி இயக்கத்தில் இவர் நடித்த பிச்சைக்காரன் படம் பிளாக்பஸ்டர் ஹிட்டானது.

இந்நிலையில், கொரோனா ஊரடங்கில் விஜய் ஆண்டனி புதிய அவதாரம் எடுத்துள்ளார். இந்த ஊரடங்கு நாட்களில் அவர் ஒரு படத்திற்கு ஸ்கிரிப்ட் எழுதியுள்ளார். அது பிச்சைக்காரன் படத்தின் இரண்டாம் பாகத்திற்கான ஸ்கிரிப்டாம். மேலும் பிச்சைக்காரன் படத்தின் இரண்டாம் பாகத்தை சசி இயக்க மாட்டார் என விஜய் ஆண்டனி கூறியுள்ளார்.

விஜய் ஆண்டனி கைவசம் அக்னி சிறகுகள், காக்கி, தமிழரசன் போன்ற படங்கள் உள்ளன. இதுதவிர மெட்ரோ பட இயக்குனர் ஆனந்த கிருஷ்ணன் இயக்கும் பெயரிடப்படாத படம் மற்றும் விஜய் மில்டன் இயக்கும் படத்திலும் நடிக்க உள்ளார்.

Related Tags :

Source: Malai Malar

Author Image
murugan