சமீபத்தில் திருமணம் செய்து கொண்ட தெலுங்கு நடிகர் ராணாவுக்கு, நடிகர் விஷ்ணு விஷால் கிண்டலாக வாழ்த்து தெரிவித்துள்ளார்.
தெலுங்கு திரையுலகில் முன்னணி நடிகராக இருக்கும் ராணா, தனது காதலி மஹீகா பஜாஜை கடந்த ஆகஸ்ட் 8-ந் தேதி திருமணம் செய்து கொண்டார். கொரோனா அச்சுறுத்தல் காரணமாக இவரது திருமணத்தில் குடும்பத்தினர் மற்றும் நெருங்கிய நண்பர்கள் மட்டுமே கலந்து கொண்டனர். பிரபலங்கள் பலரும் சமூக வலைதளம் வாயிலாக ராணாவுக்கு வாழ்த்து தெரிவித்து வருகின்றனர்.
அந்த வகையில் ராணாவுடன் காடன் படத்தில் இணைந்து நடித்துள்ள நடிகர் விஷ்ணு விஷால் கிண்டலாக வாழ்த்து தெரிவித்துள்ளார். அவர் கூறியுள்ளதாவது: “ஒருத்தர் சில ஆண்டுகளுக்கு முன் திருமணம் செய்வதைப் பற்றி எல்லாம் நினைக்கவே மாட்டேன் என்று கூறியிருந்தார். ஆனால் இந்த போட்டோவில் இருப்பது, அந்த யாரோ ஒருத்தர் மாதிரி இருக்கிறதே என்று கூறி, மகிழ்ச்சியான வாழ்க்கைக்கு வாழ்த்துகள் என பதிவிட்டிருந்தார். இதற்கு பதிலளித்த நடிகர் ராணா, சில ஆண்டுகள் கடந்துவிட்டதே, நன்றி பிரதர் என்று கூறியுள்ளார்.
Source: Malai Malar
