ரகசிய திருமணம் செய்து கொண்ட சிம்பு பட நடிகை

ரகசிய திருமணம் செய்து கொண்ட சிம்பு பட நடிகை

நடிகர் சிம்புவுடன் நடித்து மிகவும் பிரபலமான நடிகைக்கு, குஜராத்தைச் சேர்ந்த தொழிலதிபருடன் ரகசிய திருமணம் நடைபெற்றுள்ளது.

சிம்பு நடித்த ‘சிலம்பாட்டம்’ படத்தில் நடித்திருப்பவர் நடிகை சனாகான். இவர் ‘தம்பிக்கு இந்த ஊரு’, ‘பயணம்’, ‘ஆயிரம் விளக்கு’, ‘தலைவன்’, ‘அயோக்யா’ உள்ளிட்ட படங்களிலும் நடித்துள்ளார். தெலுங்கு, மலையாளம், இந்தி மொழிப் படங்களிலும் நடித்திருக்கிறார். நடிகை சனாகானும், மெல்வின் லூயிஸ் என்பவரும் நீண்ட நாட்களாக காதலித்து வந்தனர்.

பின்னர் கருத்து வேறுபாடு காரணமாக இருவரும் பிரிந்து விட்டனர். இதன் பிறகு திரைப்படத்தில் இருந்து விலகப் போவதாக அறிவித்த சனாகான், பொது சேவையில் ஈடுபடப் போவதாக தெரிவித்தார். திரை உலகை சேர்ந்தவர்கள் யாரும் தன்னை தொடர்பு கொள்ள வேண்டாம் என்றும் அதிரடி அறிவிப்பை வெளியிட்டிருந்தார்.

இந்தநிலையில் சனாகான்- தொழில் அதிபர் முப்தி அனாஸ் திடீரென ரகசிய திருமணம் செய்துள்ளனர். சூரத் நகரில் வைத்து இந்த திருமணம் நடைபெற்றுள்ளது. இது தொடர்பான புகைப்படங்கள் சமூக வலைதளங்களில் வெளியாகி இருக்கிறது. ஆனால் தனக்கு நடைபெற்ற திருமணம் பற்றி சனாகான் இதுவரை எந்த கருத்துக்களையும் தெரிவிக்கவில்லை என்பது குறிப்பிடத்தக்கது.

Related Tags :

[embedded content]

Source: Malai Malar

Author Image
murugan