எஸ்.ஜே.சூர்யாவுக்கு ஜோடியான யாஷிகா

எஸ்.ஜே.சூர்யாவுக்கு ஜோடியான யாஷிகா

பிரபல இயக்குனரும் நடிகருமான எஸ்.ஜே.சூர்யா அடுத்ததாக நடிக்கும் படத்தில், அவருக்கு ஜோடியாக யாஷிகா நடிக்க உள்ளார்.

இயக்குனராக புகழ் பெற்ற எஸ்.ஜே.சூர்யா, தற்போது நடிகராக பல படங்களில் நடித்து வருகிறார். இவர் நடிப்பில் வெளியான ‘இறைவி’, ‘மான்ஸ்டர்’ ஆகிய படங்கள் ரசிகர்களிடையே நல்ல வரவேற்பு பெற்றது. தற்போது ராதா மோகன் இயக்கத்தில் பொம்மை படத்தில் நடித்து முடித்துள்ள அவர், மாநாடு படத்தில் சிம்புவுக்கு பகைவனாக நடித்து வருகிறார்.

இந்நிலையில், எஸ்.ஜே.சூர்யா அடுத்ததாக நடிக்கும் படம் குறித்த அறிவிப்பு வெளியாகி உள்ளது. அதன்படி அவர் கதாநாயகனாக நடிக்கும் புதிய படத்திற்கு ‘கடமையை செய்’ என பெயரிட்டுள்ளனர். முத்தின கத்திரிக்காய் படத்தின் இயக்குனர் வெங்கட் ராகவன் இப்படத்தை இயக்க உள்ளார். இப்படத்தில் எஸ்.ஜே.சூர்யாவுக்கு ஜோடியாக யாஷிகா நடிக்க உள்ளார். இப்படத்தின் படப்பிடிப்பு இன்று பூஜையுடன் தொடங்கியது.

Related Tags :

[embedded content]

Source: Malai Malar

Author Image
murugan